Rêveberê Şaxê Şirnexê yê Komeleya Hiqûqnasan a ji bo Azadiyê (OHD) parêzer Sedat Sulger qala binpêkirina mafên mirovan a li Girtîgeha Girtî ya bi Tîpa T a li Şirnexê kir û anî ziman ku mafên girtiyan hem ji aliyê jiyanê, hem tenduristiyê hem jî xwarinê ve têne binpêkirin.
Sedat Sulger işaret bi zexta li ser bikaranîna Kurdî ya li girtîgehê kir û anî ziman ku hin rêveberên girtîgehê axaftina bi Kurdî ya gardiyanan a li nava xwe jî qedexe kirine. Sulger diyar kir ku demekê hewl hate dayin ku axaftina bi Kurdî ya bi telefonê girtî bi malbatên xwe re diaxivî bê astengkirin û got, “Ev zext piştre veguherî prosedura ‘Ji bo axaftina bi Kurdî divê daxwazname bê dayin’. Rapora ku me li hemberî vê pirsgirêkê amade kir, di demeke kurt de encam bi xwe re anî û pêkanîn hate rakirin. Bi derengî jî be giliyê wî rêveberê girtîgehê hate kirin ku li hemberî Kurdî ewqasî hesas tevdigeriya û em zanin ku lêpirsîna dîsîplînê li hemberî wî dewam dike.”
Sulger anî ziman ku giliyên ji ber mahremiyeta girtiyên jin di her raporê de tê rojevê û anî ziman ku berê hin kamerayan li deriyê lavabo û cihê xweşuştinê heye. Her wiha diyar kir ku deriyê cihê xweşuştinê ji ber ku vekirî ye, hundirê wê tê dîtin, her wiha bi kamerayên li ser banê hatine bicihkirin cihê razanê yê girtiyan tê dîtin û got, kamera li her qada jiyanê ya girtiyan hatiye bicihkirin.
Sedat Sulger diyar kir ku her girtiyên nû beriya bixin girtîgehê bi rengekî tazîkirî li lêgerînê rast tê û çend rojan li hucreyê tê bicihkirin, bi vî rengî jî li benda şikestina îradeya girtî disekinin.
Her wiha destnîşan kir ku binpêkirina mafê tenduristiyê yek ji pirsgirêkên herî meizn ê li girtîgehan e û girtiyê divê ji bo nexweşxaneyê bêne veguhestin bi derengî têne veguhestin û carna jî qet venaguhezînin nexweşxaneyê.
Sedat Sulger anî ziman ku gilî û gazinên ji ber mercên xwarinê yên li girtîgehê dewam dikin û ragihand ku girtiyan gotin, di nava xwarinê de kêzik, por û pîsiya mişkan derketiye.
Sulger destnîşan kir ku bendewariya herî mezin a girtiyan ji parêzvanên mafên mirovan ew e ku wan bi tenê nehêle.
