Ji bo gerîlaya YJA Starê Hasîbe Karataş (Arjîn Besra Varto) ku 30’ê Îlona 2024’an li Metînayê şehîd bû serdanên sersaxiyê li malbata wê tê kirin. Teziye li gundê Goma Warê Janê yê Gimgim a Mûşê hate danîn. Nûnerên partiyên siyasî, rêxistinên civakî yên sivîl û gelek kes ji şêniyên herêmê serdan kirin. Jin bi dirûşma “Şehîd namirin” ber bi cihê teziyeyê ve meşiyan.
Endamê Meclîsa Partiyê ya Partiya Demokrasî û Wekheviyê ya Gelan Firat Kirdag li merasîmê axivî û bi bîr xist ku Hasîbe Karataş li Şengalê di dema komkujiyê de demeke dirêj şer kir û got, “73 carn ferman li xelkê Şengalê hatek irin. Lê belê bi têkoşîna destanî ya Arjîn û hevalên wê êrişên DAÎŞ’ê hatin şikandin û gel ji qirkirinê hate rizgarkirin. Eger îro weke Kurd em li astekê bin, li pişt vê yekê ev têkoşîn heye.”
