Nivîsgeha Jinan a Meclîsa Sûriya Demokratîk (MSD) bi hevkariya Kombûna Jinan a Zenûbiya li avahiya MSD’ê ya li bajarê Reqayê civîneke berfireh li dar xist. Di civînê de ji bo xurtkirina rola jinan di tevahî qadên jiyanê de, berfirehkirina beşdariya wan di cihên biryardanê de û danîna nêrîneke hevbeş ji bo siberojeke geştir, komîteyek hat avakirin.
Di civînê de ku gelek jinên têkoşer amade bûn, der barê astengiyên jin ên li Reqa û Tebqayê de û rêbazên bi hêzkirina jinan di aliyê siyasî, civakî û aborî de nêrîn hatin parvekirin. Beşdaran diyar kir ku ji bo bihêzkirina cihê jinan di civakê de û piştgirîkirina mafên jinan, divê mekanîzmayên hevrêziya çalak di navbera rêxistinên jinan de bên avakirin.
Di civînê de komîteyek ji bo xurtkirina rola jinan di hemû qadên jiyanê de, zêdekirina tevlîbûna wan di mekanîzmayên biryargirtinê de û ji bo pêşerojeke baştir nêrînek hevpar hate avakirin.
