Ji Zanîngeha Columbiayê Profesorê Wêjeya Beramberkirî û Karên Îranê Dabashi peyamek ji DEM Partiyê re şand û banga Rêber Apo weke “Nîşaneya kemilîbûneke siyasî ya ku di asta navneteweyî de kêm caran tê dîtin” pênase kir.
Peyama Dabashi bi vî rengî ye:
“Dostên dilovan. Ez bi kêfxweşiyeke mezin bi daxuyaniya dîrokî ya Ocalan hesiyam ku ji bo çareseriya aştiyane û demokratîk a pirsgirêka Kurd kir. Bi dîtina min ev yek nîşaneyeke bilind a kemilîbûneke siyasî ye ku di asta navneteweyî de kêm caran tê dîtin! Bingeha exlaqî ya vê gava siyasî ku bi zanebûn hatiye avêtin, ne tenê ji bo meseleya Kurd-Tirk wê li ser paşeroja herêmê jî bandoreke demdirêj û mayinde bike. Li gorî min, ev gav gava herî ji dil û herî şoreşger a lîderekî siyasî yê zane ye, ku di demeke welê tevlîhev de dikare bê avêtin.”
KÎ YE?
Hamid Dabashi ku yek ji dostên nêz ên Edward Said e, yek ji entelektuelên muxalîf ên sereke yên li Dewletên Yekbûyî yên Emerîkayê ye. Li ser Îranê, karên Îslamî, sînemaya cîhanê û wêjeya beramberîkirinê zêdeyî bîst pirtûkên xwe heye û berhemên wî bi gelek zimanan hatiye wergerandin. Li gel karên xwe yên akademîk Dabashi her wiha gelek caran beşdarî konferansên navneteweyî dibe û niha li New Yorkê dimîne.
