Tevgera Civaka Demokratîk TEV-DEM’ê bi daxuyaniyeke nivîskî cejna Newrozê li tevaya gelên Rojhilata Navîn û cîhanê pîroz dikin.
Daxuyanî bi vî rengî ye:
“Ji Kawayê Hesinkar û Kawayê hemdem Şehîd Mazlûm Dogan, Rehşan, Zekiya Alkan, Ronahî û Bêrîvanan Agirê vejînê her gur dibe.
Ji bo gelê me yê fedakar, zarokên agir û rojê û tevahî têkoşerên avakirina civakeke demokratîk û azad Newroz weke cejneke gelên Aryen ku Buharê û sersaleke nû ye. Newroz ji bo gelê me û têkoşerên azadiyê bûye cejna vejîn û azadî ye, berxwedana li hember zor û stemkariya dagerkerên Kurdistanê ya li ser gelê me ye, her wiha gava ber bi serkeftinê ve ye.
Newroz bi sê dariken kibrîtê ji Kawayê hemdem Mezlûm Dogan di sala 1982’yan hata roja niha bû destpêka tekoşîneke bê navber. Bi diruşma berxwedan jiyan e, Newroz bû vejîna jiyana azad û sembola qehremantî û berxwedanê. Bi rihê agirê pîroz yê Newrozê em gihaştin heta îro ku li seranserî Kurdistan û Cîhanê di kesayetiya Şehîd, Tekoşer û jinên azad de hatiye pênasekirin
Em weke Tevgera Civaka Demoqratîk TEV-DEM ‘ê xwe berpirsiyar di ber avakirina civakeke demoqratîk û azad de, parastina deskeftî û nirxên Şehîdan de dibînin. Newroza 2025 li tevayî malbatên Şehîdan, Tekoşer û qehremanên Newrozê ,li tevayî Kurdistan û cîhanê pîroz dikin.
Em bang li gelê xwe dikin ku di 21 Adarê de her qadan bikin qadên serkeftin û berxwedanê ji bo Azadiya fîzîkî ya Rêber APO û çareseriya demoqratîk ji doza Kurdî.”
