Li bajarê Cape Town ê Efrîkaya Başûr bi pêşengiya Koma Xebatê ya Mafên Mirovan a Kurdan û Înisîyatîfa Azadî ji Rêber Ocalan re ya Sûriyeyê konferansa ‘Azadî ji Abdullah Ocalan re, li dinyaê aştî û îstîkrar’ dest pê kir. Wê konferans du rojan bidome. Ji Bakurê Kurdistanê, Bakur û Rojhilatê Sûriyeyê û Efrîkaya Başûr gelek nûner tevlî konferansê dibin.
Berdevkê Kongreya Neteweyî ya Efrîkaya Başûr Cameron Dugmore, Nûnerê Partiya Komunîst a Efrîkaya Başûr Sollî Mbella, Berdevkê Kongreya Sendîkaya Karkeran a Efrîkaya Başûr Meloyn de Brûyn, Berdevkê Înisîyatîfa Azadî ji Rêber Ocalan re ya Sûriyeyê Ferzende Mûnzûr û Hevserokê Koma Xebatê ya Mafên Mirovan a Kurd a Efrîkaya Başûr axaftina destpêkê kirin.
Eleqeya ji bo konferansê gelekî zêde ye. Di konferansê de bandora azadiya fîzîkî ya Rêber Apo ya li ser çareseriya doza Kurdan û tevkariya ji bo aştiya dinyayê tê nîqaşkirin.
