Bi pêşengtiya Meclîsa Ciwanan a Platforma Ekolojiyê ya Gimgimê, li dijî projeya Santrala Enerjiya Jeotermal (JES) a tê payin li nava sînorên gundê Xwarikê yê Gimgim a Mûşê were çêkirin û dê herî kêm bandoreke neyînî li ser 16 gundan bike, li qada tê plankirin sondaj lê were danîn konê nobetê hate vegirtin. Roja ewil a nobetê bi vegirtina kon destpê kir û gelek welatî hatin qada sondajê. Kon, di bin baranê de hate vegirtin û dirûşmên “Em ê bi berxwedanê bi ser kevin” hate berzkrin.
Piştî vegirtina kon, li ser navê platformê endamê Meclîsa Ciwanan a Platforma Ekolojiyê ya Gimgimê Mesût Bîngol daxuyanî da û ev tişt anî ziman: “Em, têkoşîna ciwanan pîroz dikin. Em hêj li ser soza xwe ne. Em ê heta dawiyê têbikoşin. Tu kes dê nekare yekitiya me xerab bike. Armanca me parastina xaka xwe ye. JES, HES, çi dibe bila bibe em ê li dijî wan têbikoşin. Çi bibe jî em ê nobeta xwe ya li vir bidomînin. Îro nobeta ewil dê ciwan bigirin.”
Welatî hêj li qadê nobeta xwe didomînin.
