Li dijî projeya Santrala Enerjiyê ya Jeotermal (JES) ku tê xwestin li gundê Xwarikê yê navçeya Gimgim a Mûşê bê çêkirin, pêvajoya hiqûqî dewam dike. Şîrketa xwedî projeyê ji bo tevlî dozê bibe serlêdan kir.
Şîrketa Hilberîna Enerjiyê IGNIS H2 ku navenda wê li Emerîkayê ye, piştî ku destûra kar ji Komîsyona Bajêr a Walîtiya Mûşê wergirt, xwe amade dike ku sondaja destpêkê li herêmê bike. Platforma Ekolojiyê ya Gimgimê û gundiyên herêmê yên li ber projeyê radibin, bi daxwaza rawstandina projeyê serî li Dadgeha Îdareyê ya Çewlîgê dabûn.
Dadgehê 20’ê Nîsanê biryareke navberê dabû û hikum da ku bi tevlîkirina belgeyên li ser proje û taybetmendiya erdnîgarî ya herêmê li dosyayê bê zêdekirin, pêvajo dewam bike. Li gorî agahiyan, di vê pêvajoyê de şîrket ji bo tevlî dozê bibe daxwazname pêşkêşî dadgehê kir.
Li aliyê din şêniyên herêmê li gundê Xwarikê nobeda li kon dewam dike. Xelkê herêmê diyar dike ku ji bo projeya JES’ê bi cih neyê hem ji aliyê hiqûqî hem jî ji aliyê pratîkî ve wê têkoşîna xwe dewam bike.
