Li gorî agahiya Ajansa Enerjiya Atomê ya Navneteweyî (UAEA), zirar gihiştiye dîwarê avahiya turbînê ya li saha santralê. Serokê Ajansê Rafael Grossi diyar kir ku her cure êrîşa li dijî tesîsên nukleer, nayê qebûlkirin û ev hişyarî da, “Êrîşa li ser tesîsên nukleer, tê wateya bi agir lîstinê.”
Şîrketa nukleer a dewleta Rûs, Rosatom îdîa kir ku êrîş ji aliyê Ûkraynayê ve bi zanebûn pêk hat. Şîrketê diyar kir ku balafira bêmirov bi kabloya fîber optîk hatiye karanîn û got, ev yek îhtîmala ku êrîş bi qeza çêbûye, ji holê radike.
Ji serokatiya Rosatom Aleksey Likhachev hişyarî da ku ev bûyer dibe encamên cidî bi xwe re bîne û bandorê ne tenê li Rûsya û Ûkraynayê, li herêmeke hîn berfirehtir jî bike.
Wezareta Karên Derve ya Ûkraynayê jî sûcdarî red kirin. Wezaretê diyar kir ku ne mantiqî ye ku Ûkrayna êrîşî santraleke nukleer a li ser xaka xwe bike û got, îdîayên Rûsyayê ‘operasyona dezenformasyoneke nû ye’.
Tesîsa Zaporijya ya ku santrala nukleer a herî mezin a Ewropayê ye, ji Adara 2022’yan û vir ve di bin kontrola hêzên Rûs de ye. Ji destpêka şer û vir ve, Moskow û Kîev ji ber êrîşên li derdora santralê hevdû sûcdar dikin.
