Li Fransayê hewla li dijî şawata daristanan berdewam dike. Ji destpêka werzê û vir ve têkildarî şewata daristanan 275 kes hatin binçavkirin û 31 kes jî hatin girtin.
Wezîrê Karên Navxweyî Laurent Nunez, diyar kir ku nêzî ji sedî 70’ê agir biqestî hatine derxistin û destnîşan kir ku li dijî kesên dibin sedema şewatê tedbîrên hişk hatine girtin.
Ji destpêka werzê û vir ve li welat 14 hezar û 131 agirê daristanan derketin. Li hin herêman agir hatin kontrolkirin, lê bi tevahî nehatin vemirandin.
Mudaxeleya li dijî agirê mezin ê li herêma Girondê jî bi tevlîbûna bi hezaran karmend û gelek balafirên hewayî berdewam dike.
