Li Girtıgeha Tîpa F a Bolûyê binpêkirina mafên mirovan û êşkenceya li girtiyên siyasî her roj zêde dibin. Girtî bi hincetên ku nayê bîra mirovan têne cezakirin. Girtiyên nexweş jî di nav de berdana 33 girtiyan ji aliyê Desteya Çavdêrî û Rêveberiyê ve bi mehan e tê astengkirin.
Ji Komeleya Hiqûqnasan a ji bo Azadiyê (OHD) parêzer Bêrîvan Barin ku li Girtîgeha Tîpa F a Bolûyê hevdîtin bi girtiyan re kir, anî ziman ku biryarên ji bo astengkirina berdana girtiyan têne dayin nediyar in.
Bêrîvan Barin anî ziman ku raporên çavdêriyê bi gotinên nediyar û kêfî tijî ne û got, “Bi hinceta ‘aîdiyeta rêxistinî’ ya girtiyan, yan jî bi gotina ‘xwe neguhertine’ ceza tê birîn, ev yek jî dibe cezakirina duyemîn. Cudahiyên şexsî yên girtiyan ji nedîtî ve tên, di çarçoveya qalibekî diyarkirî de weke ‘helwesta rêxistinî’ têne nirxandin. Mînak bikaranîna avê ne bi tasarûfî, hebûna gelek rojnameyan li odeyê, nexwendina pirtûkê, yan jî neşopandina bernameyên radyoyê yên diyarkirî di nirxandina ‘rewşa baş’ de weke rewşeke neyînî têne nirxandin.”
Bêrîvan Barin diyar kir ku girtî timî li binpêkirina mafên mirovan ras tên, bi taybetî lêgerîna bi rengekî tazîkirî li girtiyên dixwazin biçin nexweşxaneyê tê ferzkirin.
Parêzer Bêrîvan Barin ji bo pêşniyarên çareseriyê jî got, “Divê desteyên çavdêriyê tavilê bêne rakirin, rejîma muebbetê ya girankirî li gorî pîvanên mafên mirovan ên navneteweyî bê sererastkirin, nêzîkatiyeke li gorî rûmeta mirovan nîşanî hemû girtiyan bê dayin, mafê tenduristî, ragihandin û hevdîtina bi malbatan re ya girtiyan bê berfirehkirin, civaka sivîl, baro, saziyên mafên mirovan û desteyên şopandinê yên serbixwe karibin bi rêk û pêk biçin girtîgehan.”
Li gorî agahiyan li Girtîgeha Tîpa F a Bolûyê girtiyên ku dema wan a ceza qediya ye lê nayên berdan û girtiyên nexweş jî di nav de hin girtiyên divê bêne berdan û dema berdana wan bi vî rengî ne:
Nedim Yılmaz- 15-08-2023
Abdullah Çelik- 14-11-2023
Şahap Elbasan- 13-12-2023
Deniz Öztürk – 13-12-2023
Nurettin Ataman – 04-01-2024
Keyfo Başak – 10-01-2024
Sinan Türkmen – 18-02-2024
Muhammed İsmail – 10-03-2024
Halil Dağ – 12-03-2024
Ataş Göbe – 09-06-2024
Suat Gökalp – 26-06-2024
Ramazan Vural – 27-06-2024
A. Murat Çalık – 30-06-2024
Hacı Ekinci – 02-07-2024
Bülent Güneş – 27-07-2024
Muzaffer Ateş– 08-08-2024
Ahmet Mustafa – 09-08-2024
Sabit Kaya– 15-08-2024
A. Abdi İbrahim – 29-08-2024
Aydın Adıyaman – 04-10-2024
Hasan İnci – 18-10-2024
Serhat Öztürk – 28-11-2024
Abdulhamit Ahras – 04-10-2024
Tuncay Doğan – 30-01-2025
Maruf Türkan – 06-02-2025
Mehmet Şirin Bozçalı– 06-02-2025
Mehmet Deniz Güzel – 06-02-2025
Özgür Sincar – 07-02-2025
Ömer Okul– 01-03-2025
Zeki Eşin – 09-03-2025
Murat Çetinkaya – 03-04-2025
Refik Sünkür (Nexweşê giran ê astengdar)
Ramazan Kıran
GIRTIYÊN BI NEXWEŞIYA GIRAN:
Muzaffer Ateş: 70 salî ye, gelek nexweşiyên xwe hene.
Bahattin Salhan: Ji ber ku derb li serê xwe xwar, ji ber travmaya mejî emeliyat bû. Aliyê rastê yê bedena wî pûç dibe, bi zehmetî tevdigere û pêwîstiyên xwe bi cih tîne.
Abdulvahap Kavak: Nexweşê dilç
Hayati Deniz Kaytan: Ji ber şewata berfê tiliyên wî yên ling ên çep û rast hatine birîn. Ji ber dest û lingên xwe rapora ji sedî 60 jê re hatiye dayin. Tumora mejî pê re heye. Piştî emeliyata mejî nexweşiya epîlepsî pê re peyda bûye.
GIRTIYÊN BI NEXWEŞIYA GIRAN ÊN ASTENGDAR
Civan Boltan: Destê wî yê rastê ji jê rê ve bi 10 cm nîne. Di serê î de şarapneleke ji 9 mm heye. Çavê wî yê çepê nabîne. Sendroma Raynaûd pê re heye. Di herdu çongên wî de gelek parçeyên şarapnelê hene.
Refik Sünkür: Pîl di dilê wî de heye û ji ber xerabûna rîtmê bi rêk û pêk anjiyo lê hatiye kirin. Bi 15 cm’yî hestiyê milê wî yê çepê kêm e. Fitika stu pê re heye. Di herdu çokên wî de pirsgirêk hene. Her wiha nexweşiyên troîd, ulsera mîdeyê û reflu pê re hene.
Hikmet Akbaş: 3 fitikên wî yên piştê hene. Nexweşiyên spazma masûlke, fitika masûlke, ulsera mîdeyê reflu, alerjî û sînuzît pê re hene. Dest û lingên wî şewitî ne. Her wiha vertîgo û li pişta wî jî eciqîna sinir heye.
Ramazan Vural: Nexweşê bi tansiyona bilind û roatîzmayê ye. Sendroma rovî ya îrrîtabl pê re heye. Çavekî wî nabîne. Guhê wî yê rastê nabihîze. Nexweşiya mîdeyê pê re heye.
