Wezîrê Edaletê Akin Gurlek li Walîtiya Rîzeyê daxuyaniyek da û derheqê sererastkirinên yasayî yên têkildarî Pêvajoya Aştî û Civaka Demokratîk de axivî.
Gurlek anî ziman ku xebata yasayî ya têkildarî pêvajoyê wê di nava demeke kurt de were Meclîsê û got: ‘’Bi izna Xwedê wê xebateke yasayî were Meclîsê.’’
Akin Gurlek ev yek anîn ziman: ‘’Bi izna Xwedê wê li gel qanûnê tacîdar bibe û ev qanûn di nava demeke pir kurt de bikeve meriyetê.’’
Akin Gurlek piştre têkildarî mijara 12’emîn Pakêta Darazê ev yek anîn ziman:
‘’Bi taybetî dosyayên failên wan nediyar, dosyayên ku ev demeke dirêj e nehatine çareserkirin, awayên têkoşîna li dijî rêxistinên sûcî, avaniyên çeteyên nû, qûmara dijîtal û rêxistinên bahîsê, ji tiryakfiroşan heya baronê wan rêxistinên tiryakê, her cure avaniyên şexsî û rêxistinî yên zirarê didin asayîş û aramiyê em ê heya dawiyê li dijî hemûyan têbikoşin. Wê tu kes tiştekî derqanûnî neke. Ji bo kesên ku cezayan kêm dibînin jî weke hûn dizanin 12’emîn Pakêta Darazê niha li Meclîsê di qonaxa serarastkirinekê de ye. Di vê mijarê de jî me di beşeke 12’emîn Pakêta Darazê de bi taybetî jî têkildarî zêdekirina cezayê hin sûcan sererastkirin pêk anîn.’’
