Îro karmendan li ber Navenda Çandê ya Laziqiyê çalakiyeke rûniştinê lidar xist. Karmendan derxistina wan ji saziyên hikumetê protesto kir, kiryarên Hikûmeta Demkî ya Sûriyeyê wek kêfî bi nav kirin.
Çalakvanan daxwaz kir ku rayedar biryarên jikarderxistinê betal bikin û wan vegerînin ser karên wan. Her wiha diyar kirin derxistina wan ji kar, bêyî hinceteke qanûnî ya zelal an hişyariyên pêşwext hatiye kirin. Karmendan pankartên “Ez dixwazim vegerim ser karê xwe, ev ne daxwazek e lê mafek e” û “Mûçeyên me vegerînin” hilgirtin.
Li çend bajarên Sûriyeyê karmendên ji kar hatine derxistin, xwepêşandanan lidar dixin.
