Doh bi şev li daristanên sînorê gundê Şînkayetî yê ser bi navçeya Şarbajêr şewatek mezin derket û di encamê de rûberek ji daristan, pûş û diya şewitîn. Ji bo sedema derketina şewatê lêkolîn hate destpêkirin.
Bi hatina werza havînê re, daristan û gij û giyayên li Herêma Kurdistanê bi şewatê re rû bi rû ne. Lê ji bilî xemsariya geştyar û welatiyan, piraniya şewatan di encama êrişa dagirkeran û bombebarana dewleta Tirk û rejîma Îranê de derdikevin.
Di nava çend rojên borî de li çiyayê Azmer û Goyje yên li sînorê Silêmaniyê şewat derket. Piştî şewatê, medya nêzîkî Artêşa Pasdarên Îranê ragihand ku şewat di encama bombebarana Îranê de derketiye. Her wiha di encama êrişa rejîma Îranê ya li ser Koyeyê de, li çiyayê Heybet Sultan şewat derket.
Hêjayî gotinê ye ku di çalên borî de heta beriya destpêkirina pêvajoya aştiyê, dewleta Tirk ji birîna darên bi temen û mezin, heta bi bombebaranê derxistina şewatên mezin jîngeha Kurdistanê talan dike.
