Piştî hilbijartinên ku duh ji aliyê Kongra Star û PYD’ê ve hatibûn lidarxistin, gel berê xwe dabû navendên deng dayînê. Îro bi zimanê Kurdî û Erebî ji aliyê endamê meclîsa PYD’ê Welîd Dingilî û endama Koordînasyona Kongra Star Rîhan Elo ve daxuyanî hate dayîn.
Daxuyanî wiha ye:
”Em wek Partiya Yekîtiya Demokratîk (PYD) û Tevgera Jin Kongra Star vê serkeftina dîrokî li gelê xwe pîroz dikin. Ev serketin berhemê berxwedana gelê me ya ji bo avakirina civakeke exlaqî û siyasî ye.
Di dîroka 30’ê Nîsana 2024’an de bi hezaran şêniyên kantona Efrîn – Şehbayê ji bo hilbijartina nûnerên xwe ya şeredariyan, berê xwe dan ber sindoqên dengdanê.
Ev weke roja jidayîkbûna azadî û demokrasiyê hat dîtin. Her wiha em ji Komîteya Amadekar a Hilbijartinan, çepemenî, Hêzên Ewlekariya Hundirîn, Hêzên Parastina Civakê, Meclîsa Malbatên Şehîdan, Tevgera Civaka Demokratîk TEV-DEM, meclîs û komînên li kantonê, komîteya ku çavdêriya hilbijartinan ji Helebê dikirin û hemû kesên ku di serkeftina van hilbijartinan de cih girtine re spasiyên xwe pêşkêş dikin.
Hevşaredarên di encama hilbijartinê de hatine hilbijartin, ev in:
Bajarokê Şêrewa: Esûm Hemedî – Henîf Sîdo
Bajarokê Til Rifet: Fatme Îbrahîm – Reşîd Fatko
Bajarokê Ehrez: Îman Toko – Faroq Sîdo
Bajarokê Ehdas: Rozelîn Koşen – Hisîn Ebdo Sîdo
Bajarokê Fêfîn: Gelewîş Silêmen – Mehmûd Reşîd”
