Li gorî daxuyaniya ku ji aliyê Wezareta Tenduristiyê ya Xezeyê ve hate dayin, di êrîşên hewayî yên Îsraîlê de yên li ser Xezeyê, di nava 24 saetên dawî de 81 kesan jiyana xwe ji dest dan.
Wezaretê diyar kir ku zêdeyî 400 kes birîndar bûn û tîmên ambûlans û parastina sivîl ji ber astengiyên li ser rê, bi zorê xwe gihandin mexdûran.
BANGA VEGUHESTINÊ LI ŞÊNIYÊN GELEK TAXAN HATE KIRIN
Li aliyê din, artêşa Îsraîlê sibeha Yekşemê banga veguhestinê li şêniyên gelek taxên li bakurê Şerîda Xezeyê kir. Artêşê diyar kir ku li van herêman wê li hemberî Hamasê ‘hêzeke zêde’ bi kar bînin û operasyonê dimeşînin.
Her wiha nexşeyek hate weşandin ku di serî de bajarê kevn û herêma Cîbaliyeyê gelek taxên Xezeyê bi rengê sor hatiye işaretkirin.
ZÊDEYÎ 56 HEZAR Û 400 KES MIRIN
Şerê dawî yê li Xezeyê di 7’ê Cotmeha 2023’an de bi êrîşa Hamasê ya li ser başûrê Îsraîlê destpê kir, ku beriya niha êrîşeke bi wî rengî nehatibû kirin. Di êrîşê de piraniya wan sivîl 1.219 kes ji Îsraîlê hatin kuştin. Her wiha 49 kes hatin revandin. Artêşa Îsraîlê ragihand ku 27 ji dîlgirtiyan mirin.
Li gorî daneyên Wezareta Tenduristiyê ya Xezeyê, di êrîşên Îsraîlê de yên li ser Şerîda Xezeyê piraniya wan sivîl zêdeyî 56.400 Fîlîstîniyan jiyana xwe ji dest dan. Her wiha hilweşîneke giran û felaketeke mirovî jî diqewime.
