Hejmara kuştiyên pevçûn û şerê dijwar ên li bajarên Laziqiye, Tertûs, Ceblê, Humis û Hemayê bilind bû. Ji şevê din ve di navbera komên çekdar û hêzên girêdayî desthilata Şamê de şer û pevçûnên dijwar didomin.
Ligel van rageşiyan, her du alî hev tawanbar dikin ku komkujî li dijî welatiyan pêk anîne.
Desthilata Şamê diyar dike ku ew bi ser bermahiyên rejîma berê de digire û komên çekdar jî dibêje tevgera wan li dijî desthilata heyî û parastina herêmên xwe ye.
Li gorî raporên xwecihî, heta niha zêdetirî 100 kes di pevçûnan de hatine kuştin, gelek mal hatine şewitandin û zirar dîtine.
Li ser dezgehên çapemeniyê wêne û dîmenên mezinahiya wêranî û komkujiyan diyar dibe. Her wiha di dîmenên ji herêman tên parvekirin ve bi dehan cenaze li kolan û eraziyan hatine belavkirin.
Heta niha jî tu daxuyaniyek fermî ji her du aliyan ve der barê bîlançoya kuştiyan an jî hûrgiliyên êrişên leşkerî yên niha, digel hevtawanbarkirina li ser komkujiyan, nehatiye dayîn.
Digel nebûna tu însiyatîfeke agirbestê şer û pevçûn didomin. Ew jî nîşan dide ku karesateke mirovî li van herêman çêbibe û xeleka tundiyê zêde bibe.
