Malpera Kolbernewsê ragihand ku kolber Musa Zîbapûr, li sînorê bajarê Bane yê Rojhilatê Kurdistanê bêyî were hişyarkirin ji aliyê hêzên rejîma Îranê ve hate gulebarankirin. Musa Zîbapûr di encama êrişê de bi giranî birîndar bû û li cihê bûyerê jiyana xwe ji dest da. Hate diyarkirin ku cenazeyê Musa Zîbapûr, hîn jî radestî malbatê nehatiye kirin.
Musa Zîbapûr ê ji Pîranşar a Rojhilatê Kurdistanê bavê sê zarokan bû. Musa Zîbapûr di sala 2021’ê de li sînorê Maşkanî yê ser bi Pîranşarê di êrişa hêzên rejîma Îranê de birîndar bûbû.
Li gorî bîlançoya Kolbernewsê, par herî kêm 57 kolber li navçeyên sînor ên parêzgehên Rojhilatê Kurdistanê bûn qurbanî ku 26 hatin qetilkirin û 31 jî birîndar bûn. Ji vê hejmarê 44 bûyer di êrişa hêzên rejîma Îranê de qewimîn.
