– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Sebahat Tuncel di nirxandina xwe ya li ser peymana li Sûriyeyê de li ser girîngiya agirbestê rawestiya û diyar kir ku têkoşîna rastîn ew e ku azadiyên gelan werin misogerkirin û yekîtiya Kurdan veguherîne hêzek demokratîk a rêxistinkirî.
– Fîlozof Michael Lowy, helwesta Rojavayî ya li hember êrîşên li dijî Rojava wekî xiyanetê bi nav kir, hişyarî da ku ev siyaset ne tenê ji bo gelê Kurd, di heman demê de ji bo ewlehiya Ewropayê jî wê encamên giran derxe holê.
– Amy Austin Holmes diyar kir ku sozên ku bi îmzeyê dikarin paşde werin girtin nikarin baweriyê ava bikin û got, “Aştiya mayînde tenê bi misogerkirina destûrî pêkan e. Heta ku hemwelatîbûna wekhev a hemû gelan neyê naskirin, pêşiya pevçûnên li Sûriyeyê nayê girtin.”
– Di 1’ê Sibatê Roja Piştevaniya Rojava ya Cîhanê gelê Amedê peyama hevgirtinê bi gelê Rojava re dan. Beşdarên meşê banga xurtkirina hevgirtinê ya gelê Kurd kirin.
– Akademiya Jineolojiyê ya Rojava li ser êrîş, komkujî û koçberkirina sivîlan li Bakur û Rojhilatê Sûriyeyê ji hêla çeteyên HTŞ, DAÎŞ û dewleta Tirk, belgeteke 34 rûpelan bi zimanên Kurdî, Tirkî, Erebî û Îngilîzî amade kir
– Jin herikîn kolanan, cesareta xwe kirin yek û agirê di dilê xwe de geş kirin; bi niyeta têkoşînê porê hûnandin. Her jinek ku porê xwe hûnand, hêza xwe bi rêxistin dikin kirin bingeha têkoşînek nû da ku hesab ji sûcdaran bipirsin.
– Şervanekî enternasyonalîst ê YPG’ê Şahîn diyar kir ku piştî têkçûna DAÎŞ’ê, destketiyên Şoreşa Rojava ji aliyê komên çete yên ku ji aliyê Tirkiyeyê ve tên piştgirîkirin hedef tên girtin û banga hevgirtinê kir.
