Parlamentera EMEP’ê ya Dîlokê Sevda Karaca derbarê êrîşên HTŞ’ê yên li ser taxên Şêxmeqsûd û Eşrefiyê yên li Helebê de nirxandin kir. Sevda Karaca diyar kir ku êrîş rê li ber qetilkirina sivîlên ku zarok jî di nav wan de hene vekir û anî ziman ku bi deh hezaran kes ji cih û warên xwe hatin koçberkirin. Sevda Karaca destnîşan kir ku îradeya siyasî û civakî ya ku ji hêla gelê Kurd ve li Sûriyeyê hatiye avakirin rasterast hedef tê girtin. Sevda Karaca hebûna leşkerî ya Tirkiyeyê li herêmê, piştgiriya ku dide HTŞ’ê û hedefgirtina QSD’ê parçeyek ji vê pêvajoyê ye û anî ziman ku bazariyên bi DYE û Îsraîlê re têne kirin jî rageşî û pevçûnê li Sûriyeyê zêde dikin.
SIVÎL HEDEF TÊN GIRTIN
Sevda Karaca ev tişt got: “Taxên Şêxmeqsûd û Eşrefiyê yên Helebê dibin êrîşên HTŞ’ê de ne. Zarok jî di nav de sivîl jiyana xwe ji dest dane û bi deh hezaran kes bi zorê koçber bûne. Bombebarana rasterast a deverên sivîlan û dorpêçkirina taxan berdewamiya xeta qirkirinê ya HTŞ’ê ya li dijî civakên cûda yên neteweyî, etnîkî, olî û mezhebî yên li Sûriyeyê ne. Ev êrîş bi eşkereyî gelê Kurd hedef digirin, di heman demê de îradeya jiyana hevpar gelên Sûriyeyê hedef digire.
Bingeha siyasî û tevgera van êrîşan ji aliyê Enqerê ve tê kirin. Bi rojan e gotinên dijberiya QSD’Ê yên ji hêla desthilata qesrê û nûnerên Tifaqa Cûmhûr tên kirin zêdebûna tevgera leşkerî û piştgiriya eşkere ya ku ji rêveberiya HTŞ’ê re tê dayîn, nîşan didin ku tiştên li Helebê diqewimin di çarçoveya siyasetek plansazkirî de ji aliyê Tirkiyeyê ve tê meşandin. Em careke din diyar dikin ku armanca van êrîşan destketiyên siyasî û civakî yên ku gelê Kurd li Sûriyeyê bi dest xistine ji holê rake..
Li herêmê hebûna leşkerî ya Tirkiyeyê, daxuyaniyên Wezareta Parastina Neteweyî ku heke rêveberiya HTŞ’ê daxwaz bike ew dikarin piştgiriyê bidin wan û gotinên Hakan Fîdan, “Dema pêwîst be ji destwerdana rasterast nakevin nava dudiliyê” bi zelalî rola Enqereyê ye li herêmê radixe ber çavan. Wisa dixuye ku êrîşên li Helebê ji planên herêmî yên rejîma qesrê serbixwe nînin. Di demekê de ku li Tirkiyeyê “pêvajoyek” li ser pirsgirêka Kurd de tê nîqaşkirin de hedefgirtina Kurdên li Helebê rasterast hêvî û hêviyên ji bo aştiyê têk dibe. Dibêjin qey wê polîtîkayên li hundir gotinên çareseriyê û li dervejî meşandina polîtîkaya şer ji gel veşêrin.”
EV ÊRÎŞ TENÊ BI HELEBÊ RE SÎNORDAR NÎNE
Parlamenter Sevda Karaca bal kişand ser peşperdeya êrîşên li ser taxên Helebê û diyar kir ku hedef ne tenê bajarekî diyarkirî ye, nêzîkatiyeke siyasî ya berfirehtir di dewrê de ye û wiha domand: “Ev êrîş tenê bi Helebê re sînordar nîne; armanc ew e ku îradeya siyasî û civakî ya ku ji hêla gelê Kurd ve li Sûriyeyê hatiye avakirin ji hev belav bikin û gelan bi destê cîhadîstan ve berdin. Êrîşên ku berê li dijî Elewî û Durziyan dihatin kirin, niha bi heman rêbazan li taxên Kurdan berdewam dikin. Tiştê ku neguheriye ev rojeva siyasî ya tarî ye.
Ne tesaduf e ku ev xet berdewamiya bazariya ku bi DYE û Îsraîlê re hatiye kirine. Rejîma Qesrê li şûna ku bi Kurdên Sûriyeyê re bi awayekî aştiyane û demokratîk pirsgirêka Kurd çareser bike; bi têkiliyên ku emperyalîzma DYE û Îsraîlê re kiriye tevdigere, rêveberiya HTŞ’ê ya ku piştgiriyê dide wê dixe xizmeta van hêzan, bi vî awayî ji bo êrîşkariya li dijî Kurdan cih çêdike. Timî bi hevkariya bi Îsraîlê re tawanbar dikin. Lê ew aliyên ku li ser mijara dayîna beşek ji axa Sûriyeyê ji Îsraîlê re bêdeng man, niha hewl didin ku têkoşîna Kurdan hedef bigirin. Mekanîzmayên leşkerî û îstîxbaratê yên ku bi Îsraîlê re hatine damezrandin jî nîşan didin ku pêşeroja Sûriyeyê bi bazariyên ku li pişt deriyên girtî, li derveyî îradeya gel têne kirin, teşe bikin.”
HEBÛNA KURDAN WEK ASTENGIYÊ TÊ DÎTIN
Sevda Karaca bal kişand ser rewşa siyasî ya derketiye holê û diyar kir ku Kurd di vê hevkêşeyê de ne wekî kirdeyên rewa, lê wekî astengiyek ku divê ji holê were rakirin têne dîtin.
Sevda Karaca anî ziman ku gotinên Bahçelî yên ku Mazlûm Ebdî hedef digirin û gavên ku ji bo seferberkirina eşîrên Ereb têne avêtin jî parçeyek ji vê nêzîkatiyê ne û got, “Di vê senaryoyê de, hebûna Kurdan ne wekî mafek, lê wekî pirsgirêkek ku divê were derbaskirin tê dîtin. Daxuyaniyên Bahçelî yên ku Mazlûm Ebdî hedef digirin û polîtîkayên ku armanc dikin ku eşîrên Ereb teşwîq bikin nîşaneyên zelal ên vê nêzîkatiyê ne. Ev helwest ji bilî kûrkirina rageşî û pevçûnên li Sûriyeyê ne pêkane ku encamek din derxîne holê.”
parlamentera EMEP’ê Sevda Karaca diyar kir ku divê êrîşên li ser taxên Kurdan ên li Helebê tavilê bi dawî bibin û ev bang kir: “Divê hêzên cîhadîst ên li Şêxmeqsûd û Eşrefiyê bi cih bûne ji herêmê vekişin. Divê jiyan û ewlehiya sivîlan bi lezgînî were misogerkirin. Divê Tirkiye hebûna xwe ya leşkerî li Sûriyeyê bi dawî bike û dev ji polîtîkayên xwe yên berfirehker û wêranker ên ku bi rêya HTŞ’ê dimeşîne berde. Divê hemû hêzên paşverû yên li herêmê, di serî de emperyalîzma DYE û Îsraîlê ji Sûriyeyê vekişin.”
