Hevseroka Hevseroka DEM Partiyê Tulay Hatimogûllari serdana Hevserokêgirtiyên li Girtîgeha Sîlîvriyê tên girtin kir. Piştî serdanê Tulay Hatimogûllari li pêşiya girtîgehê daxuyanî da.
Tulay Hatimogûllari diyar kir li ser operasyonê 200 roj derbas bû, ew jî ji bo banga berdana girtiyan li vir in û wiha axivî: “Îro hê jî Mûrat Çepnî jî di nav de 48 kes hê girtî ne. Li Tirkiyeyê gelek kes bi sedema mafê xwe yê siyasetê pêk anîne girtîne. Girtîgeh bi girtiyên siyasî re tijê bûne. Bi sedan kes ji ber ku Tirkiyeyekî demokratik xwestin hatin girtin. Şoreşger û sosyalist ji bo mafê mirovan parastin di girtîgehê de ne. Li Tirkiyeyê îro pêşketinên girîng hene. Di 10ê Tebaxê li Meclîsê qanûnek derket. Ev qanûn gava yekemîn bi dawîkirina şerê 50 salî û çareserkirina pirsgirêka Kurd bû. Em ê têkoşîna xwe berdewam bikin û têkoşîna xwe hê berfirehtir bikin. Divê demildest girtiyên ESPê werin berdan. Azadiya girtiyên ESPê û girtiyên din jî dê ruhê pêvajoyê pêş bixe.”
Li ser pirsa “Tê gotin ku Abdullah Ocalan wê di pêvajoya kongreya DEM Partiyê de bi bandor be. Piştî vê pêvajoyê wê rewşa Ocalan çawa be?” Wiha bersiva pirs da: “Rol û beşdariya Birêz Ocalan a di Pêvajoya Aştî û Civaka Demokratîk de pir girîng e. Yek ji destpêkerên vê pêvajoyê Birêz Bahçelî ye, yê din jî Birêz Abdullah Ocalan e. Rola Birêz Ocalan di gihandina vê qonaxê de pir girîng û dîrokî ye. Di vê pêvajoya ji nû be avakirinê de wê nêrîn û nirxandinên Birêz Ocalan pir bi qîmet bin.”
