Şêniyên Kobanê ji bo parastina destketiyên şoreşê meşek bi dirûşma “Şoreşa me rûmeta me ye, em ê rûmeta xwe biparêzin” Iidar xist.
Meşê ji Qada Jina Azad destpê kir û heta Qada Şehîd Egîd dewam kir. Li wir piştî rêzgirtinê ji rêveberiya TEV-DEM`ê Cahîd Hesen axivî. Hesen got: “Divê em destketiyên şoreşa xwe bi berxwedan û têkoşîna xwe biparêzin. Di 6’ê meha derbasbûyî de ji bo têkbirina destketiyên me, êrişeke hovane hat kirin. Bi desteka dewleta faşîst a Tirk û bêdengiya hêzên navneweteyî êrişeke hovane li hember destketiyên Rojava kirin. Destketiyên ku bi xwîna bi hezaran şehîdan hatine parastin û hatibûn bidestxistin, xwestin ji nav bibin.”
Cahîd Hesen destnîşan kir ku ew ê bi hemû hêza xwe li ber xwe bidin û li ser piyan bin da ku destketiyên şoreşa xwe biparêzin û got: “Divê gelê me li pişta hêzên xwe ya YPJ, YPG û QSD’ê be û bi hêza xwe bawer be da ku em dijmin têk bibin û destketiyên xwe biparêzin.”
Meş bi dirûşmên “Berxwedan jiyan e” bi dawî bû.
