Fermandariya Giştî ya YPJ’ê, ji ber şehadeta Bêrîtan Fuat (Sarya Kocabey) ku di 20’ê Kanûnê 2025’an de di encama nexweşiyê de şehîd bûye, daxuyaniyek da.
Di daxuyaniyê de wiha tê gotin:
“Hevrê Bêrîtan di 20’ê Kanûnê 2025’an de gava li nexweşxaneyê di bin çavdêriya bijîşkan de bû, di encama nexweşiyê de gîhaşt asta şehadetê.
Em dubare xemgîniya xwe didin diyarkirin û ji malbata hevala xwe û hemû gelên azadîxwaz re sersaxiyê dixwazin.
Em ê tu carî qehremanên ku dane ser şopa Bêrîtanan û îro bûne Bêrîtanên gelê heremê û cîhanê ji bîr nekin. Em dubare soza xwe ya ku xeyalên şehîdên xwe pêkanînê dubare dikin. Em ê her tim ji bo azadiya hemû jinan û hemû gelên bindest tê bikoşin.
Di tevahiya dîroka Kurdistanê de jinên Kurd bûne xwedî roleke sereke û di her kêliyê de ji bo parastina çand, nasname û axa welat kedek bêhempa daye. Hevrêya me Bêrîtan Fuat jî yek ji van jinên leheng û xwedî hêza parastina axa welatê xwebû. Em di serî de ji mimarê jiyana rast Rêber Apo, malbata xwe ya hêja, welatparêz û gelên azadîxwaz re sersaxiyê dixwazin û soza şopandina rêya hevrê Bêrîtan nû dikin.
Di dîroka berxwedan û têkoşînê de gelê me yê Botanê bê navber bûne pêşengên berxwedanê. Bi têkoşina jina leheng Binevş Agal re ev rihê serhildan û berxwedanê bûn çanda jinên Botanê û di her kêliya têkoşînê de jinên Botanê yên berxwedêr bûn pêşengên jiyan kom-komînalîteya gelê Kurd û di her henaseyek de pêşengên jiyanê jinan, ala berxwedan û welatparêziyê li lûtkeyên herî jor ve rakirin. Hevrêya me Bêrîtan Fuat jî yek ji van jinên berxwedêre ku ji malbatek me ya li ser çanda tolhildanê ya Botanê mezin bibû. Hevala Bêrîtan di temenê xwe yê zaroktî de tevgera Apoyî nasdike û dildariya xwe ya bi welatre her ku diçe kurtir û xurtir dike. Ji malbata me ya hêja birayê hevala Bêrîtan, Fuat Amed jî di nava tevgera şoreşê de li ser axa Kurdistanê de bûye xwedî têkoşînvaneke hemdemî û wêrekiyekî mezin gihiştiye asta şehadetê. Di pêvajoyên serhildana gelan de kelecana heval Berîtan ya hezkirina li beranberî welat û azadiya Kurdistanê gurtir dibe û di sala 2012’an de berê xwe dide Rojavayê Kurdistanê û tev li nava refên YPJ’ê dibe.
Ew jî dibe yek jî pêşengên ku di yekem pêngavên şoreşê de rol û mîsyoneke giring hildide ser milê xwe. Di pêvejoya êrîşên li ser Rojavayê Kurdistanê de gelek jinên ciwan yên Bakurê Kurdistanê sînorên bê wate rakirin û di Rojavayê Kurdistanê de ji bo parastina gel û xaka mezopotamyayê berxwedan. Li beramberî êrîşên çeteyan dest avêtin çeka xwe û mil bi mil ji bo hebûna gelê Kurd û gelê heremê, têkoşîn kirin. Têkoşîna jinên Kurd a ku pêşengtiya hemû jinên heremê dike bandorekî pir mezin avakir. Ji bo vê ji çar aliyên Kurdistanê bi bandora berxwedaniya jinan berê xwedan şerê azadiyê. Hevrêya me hem demê herî zehmet yên şerê Rojavayê Kurdistanê de hem jî pevajoya avabûna pergala xweseriya demokratik de rolekî mezin lîst. Hevrêya me bi fedekarî û azweriyekî mezin tevlî jiyanê dibû. Ruxmî milê tenduristiya xwe de pirsgirêk dikişand jî lê belê tu caran xwe ne ji jiyanê, ne jî şer dida paş. Jinek dildara welat bû ku her tim ji bo fikrên Rêber Apo jiyanî bike, têdikoşiya.
Agahiyên derbarê nasnameya şehîd bi vî rengî ne:
Nav û Paşnav: Berîtan Fuat
Nav û Paşnavê Rast: Sarya Kocabey
Navê Dayikê: Hatîce
Navê Bav: Şahîn
Dîroka Şehadetê: 20.12.2025”
