Fermandariya Giştî ya Yekîneyên Parastina Jin (YPJ) şehadeta şervana xwe Berçem Kobanê ku di encama êrişa hewayî ya balafireke bêmirov a dewleta Tirk a dagirker de şehîd bûbû, aşkera kir.
YPJ’ê di daxuyaniya li ser mijarê de wiha diyar kir:
“Hevrêya me Zeyneb Mihemed bi nasnav Berçem Kobanê 1’ê Kanûnê di encama êrişa hewayî ya dewleta faşîst û dagirker a Tirk de tev li karwanên şehîdan bû. Em di kesayeta hevrêya xwe Berçem Kobanê de hemû şehîdên şoreşa azadî û mirovahiyê bi rêzdarî û minetdarî bi bîr tînin. Ji mala xwe ya welatparêz û gelê xwe re sersaxî dixwazin.
Şoreşa Rojava bi berdelên mezin û giranbiha hatiye avakirin. Di encama vê têkoşîn û berxwedanê de bi sedan hevrêyên me şehîd bûn. Bi hezaran jî perçeyên ji canê xwe feda kirin û bûn gazî. Herwiha gelên me yên leheng bi hestên welatperweriyê tim xwedî li şoreşa xwe derdikeve û li beramberî her cure êrişên dagirkerî û komkujiyê berxwedanê pêşdixin. Hevrêya me Berçem ev rastî di temeneke ciwan de hîs kir û bi çîrokên lehengan ên hevalên şehîd û gazî mezin bû. Yek ji bandora herî mezin ku hevrêya me ber bi refên şoreşê ve anî, rastiya şehîdên me yên zindî hevrêyên gazî bû.
Di sala 2021’an de dema ku dewleta faşîst û qirker ya Tirk bi awayekî hovane êrişên Herêmên Parastina Medya kir û di encama êrişên kîmyewî de bi gerîlayên azadiya Kurdistanê şehîd bûn, hevrêya me Berçem Kobanê li beramberî rewşa heyî bi hêrs û kîneke mezin sekinî. Wê nedikarî ku vê yekê bipejirîne û ji bo ku tola hemû êriş û dagirkeriya dewleta faşîst û qirker û çeteyên wî bistîne, bi ruhê berxwedana Kobanê berê xwe da fikir û felsefeya Rêber Apo.
Hevrêya me Berçem li Kobanê di malbateke welatparêz de ji dayik bû. Bi çanda berxwedanê ya ku ji malbatê wergirtî mezin bû û hertim li ser vê bingehê jiya. Di nav şer de mezin bû û bû zarokeke şoreşê. Ji ber vê yekê jî bû şoreşgereke mezin û jineke ciwan a dilwêrek.
Hevrêya me Berçem Kobanê piştî tevlî refên şoreşê bû, demekê di nav kar û xebatên jinên ciwan de cih girt. Bi coş û xwestekeke mezin xebatên rêxistinkirin û perwerdekirina ciwanan meşand. Her tim pêşengiya rêxistinkirina ciwanan bi taybet jî jinên ciwan dikir. Bi qasî girîngî dida perwerdekirina xwe bi fikirên Rêber Apo, herwiha zanînên xwe fêrî ciwanan jî dikir.
Hevrêya me Berçem Kobanê di jiyanê de bi coş û jîndarbûna xwe dihate naskirin. Li her cihê ku dima jî ev moral û coşa xwe diteyisand. Hewl dida ku nasnameya xwe ya ciwantiyê bi wateya wê ya rast bijî.
Di jiyana xwe de di her mijarê de, ji disîplînê heya şêwaz û tempoyê, ji hizirîn heya pratîkirinê, ji kedkariyê heya bi zaferê re klîdbûn rastiya Rêber Apo esas digirt. Her roj bi ramanên Rêber Apo xwe perwerde dikir û bi vî rengî dest bi roja xwe dikir. Milîtaneke Apoyî ya mînak bû.
Piştî xebatên jinên ciwan, Berçem Kobanê bi tecrûbeyên xwe yên ku wergirtî, beşdarî YPJ’ê bû û di refên me de bi heman taybetmendiyên xwe yên wêrekî, fedakarî, dilnizmî û milîtantiya Apoyî roleke aktîf leyîst. Erk û berpirsyariyên xwe bi awayeke serketî pêk anî û ji hevrêyên xwe re jî bû mînak.
Delweta Tirk a dagirker bi feraseta şovenîst û dagirkeriyê şoreşa Rojava ku şoreşa jinê ye, kiriye hedef. Ji ber ku vîna Kurdên azad, mirovên azad, jinên azad, netewên azad û civakên azad di vê şoreşê de ava dibe û belavê herêmê û cîhanê dibe. Ji ber vê jî ji bo ku şoreşa me têk bibe, êrişên dûr ji exlaqê mirovahiyê pêk tîne, hemû qaûnên navnetewî binpê dike. Herî zêde jî jinên pêşeng, jinên şoreşger dike hedef. Di 1’ê mijdarê de dewleta dagirker ya Tirk êrişeke hewayî bi balafira bêmirov û bi çek pêk anî û di vê êrişê de şervana me Berçem Kobanê şehîd bû.
Di şoreşa azadiyê de bi sedan şervanên me bûn lehengên wek Şîlan, Arîn, Avesta û Barîn. Îro jî di çeperên herî dijwar ên şer de mîrateya şehîdan tê parastin, li beramberê hişmendiya qirêj a zilamê desthilatdar şereke bêmînak tê meşandin.
Em dubare ji malbata hêja ya hevrêya xwe re sersaxî dixwazin û didin diyarkirin ku wek YPJ’ê emê şehîd Berçem Kobanê di têkoşîna xwe de bidin jiyandin û xwedî li bîranîna wê derkevin. Emê xwedî li xewn û xeyalên şehîd Berçem derkevin, ala têkoşînê ku me ji şehîdan dewr girtiye, emê bigihinîn serkeftinê.
Emê tola şehîdên xwe ji hemû dagirker û çeteyên dijminê mirovahiyê hilînin û tola hemû jinên azadîxwaz û têkoşer ku rastê zordarî û tundiyê tên, bi serxistina şoreşa jinê di asta cîhanê de hilînin.”
NASNAMEYA ŞEHÎD
Nav û Paşnav: Zeyneb Mihemed
Nasnav: Berçem Kobanê
Navê Dayik: Emîra Mamo
Navê Bav: Mistefa Mihemed
Dîroka Şehadetê: 01.12.2024
