Platforma Piştevanî û Parastina Bajêr a Amedê, Platforma Piştevanî û Rêveberiyê ya Afetê (DMS) û Platforma Demokrasî û Kedê ya Amedê kesên di erdheja 6’ê Sibatê de jiyana xwe ji dest dan, li Goristana Yenîkoy a navçeya Rezanê bi bîr anîn.
Hevserokê DMS’ê Şerefxan Aydin qurbaniyên erdhejê bi bîr anî, Parlamentera Amedê ya DEM Partiyê Adalet Kaya bûyerên di dema erdhejê de bi bîr xist û anî ziman ku gelek mirov ji sermayê qefilîn, ji tî û birçîbûnê mirin.
Adalet Kaya anî ziman ku li hemberî bûyerên piştî erdhejê gav nehatin avêtin û got, “Em ê mafê erdhejzedeyan li salonên dadgehê, li her deverê biparêzin.”
Parlamenterê CHP’ê Sezgîn Tanrikûlû jî bi bîr xist ku rayedarekî bi tenê yê dewletê nehat darizandin.
Girseya gel qurnefîl danî ser gora mirovên jiyana xwe ji dest dan.
