Li gorî daneyên ku Wezareta Tenduristiyê ya Iraqê di 15’ê Nîsanê roja Sêşemê de ragihandî, ji ber tozê 3 hezar û 747 kes kes ji ber nexweşiya hilmstandinê çûn nexweşxaneyê.
Berdevkê wezaretê Seyf el-Badr diyar kir ku ev kesane girtine servîsên lezgîn, lê belê yek ji wan jî negirtine beşa lênêrîna lezgîn. Gelek nexweşên ku tenduristiya wan baş bû, piştî tedawiyên pêwîst ji nexweşxaneyê derketin.
BANDORA KRÎZA AVHEWAYÊ: RABÛNA TOZÊ ZÊDE DIBE
Iraq li dijî krîza avhewayê û çolbûnê, weke yek ji 5 welatên bêparastin tê nîşandan. Di salên dawî de rabûna tozê zêde bûye, bi taybetî di mehên biharê de xeteriyeke mezin çêdike. Di salên 2023 û 2024’an de kêmbûnek çêbûyîbe jî, li gorî pisporan ev karesat hîn dijwartir divegerin.
Roja duşemê ji ber bahoza tozê, li balafirgehên Necef û Basrayê rabûna balafiran bi demkî hate taloqkirin. Di salên borî de bûyerên xwezayê yên mîna wê, bûbû sedemê girtina saziyên civakî û dibistanan.
