Daxuyaniya Fermandariya Yekîneyên Rojhilat a Kurdistanê (YRK) bi vî rengî ye:
“Weke ku gelê me û raya giştî dizane di dîroka 19’ê Tîrmeha 2025’an de li gundê Şîweguzan a ser bi herêma Pêncewîn êrîşeke hewayî pêk hatibû. ev êrîşa ku hatiye pêkanîn hêzên me yên Rojhilatê Kurdistanê kiriye hedefa xwe. Di serî de girêdayî buyerê di raya giştî de gelek nûçe derketin pêş û her kes li gorî xwe ev bûyer bi nav kir. Wek Yekîneyên Parastina Rojhilatê Kurdistanê me jî bûyer lêpirsîn kir û di encam de em vê rewşê sererast dikin û didin diyarkirin ku ev êrîş ji aliyê dewleta Îranê ve li ser hêzên me pêk hatiye.
Gelek caran dema ku dewleta Îran dikeve nava tengasiyan de serî li rêbazên êrîşên bi vî rengî dide. Êrîşên li ser gelê me yê Rojhilatê Kurdistanê û di heman demê de zexta li ser jin û her roj gelê me darvekirin, girêdayî rewşa tengezar a vê sîstema bê çare ye.
Di dîroka 19’ê Tîrmeha 2025’an de, danê serê sibê seat 8:45’an li herêma Pêncewîn hêzên me dibin hedefa balafirên kamîkaze yên întîharî yên girêdayî dewleta Îranê û di encam de hevreyekî me yê bi navê Simko Kobanê şehîd bû. Simko Kobanê ewladê esîl ê gelê me yê Rojhilatê Kurdistanê yê ku bi nirxê welatparêziyê yê herêma Hewraman mezin bûye û ti carê ji rastiya gele xwe dûr neketiye, her tim bi cesaret li beramberî vê rejîma dagirker a kevneperest serê xwe hildaye heta dilopa xwîna xwe ya dawî bê teredût têkoşiya û ji bo jiyaneke azad 24 seatan di nava kar û xebatan de bû. Agahiyên derbarê nasnameya hevrêyê xwe di demên pêş de em ê bi daxuyaniyeke berfireh bi raya giştî re parve bikin.
Dewleta Îran di vê dema xwe ya bê çaretiyê de bi taybet piştî êrîşên Îsraîlê yên ku 12 rojan dewam kir li şûna ku hîn zêdetir serî li rêbazên demokratîk bide û hîn zêdetir xwe bi gel re bike yek, êrîşên li ser gel her ku diçe zêdetir dike. Bi rojane rewşên faîlî meçhul pêk tîne û riyên çareseriyê dixetimîne, bi vê rewşê re rewşên krîz û kaos zêdetir dike.
Wek hêzên Rojhilatê Kurdistanê li beramber êrîşên bi vî rengî em ê bê parastin nemînin û heta dawî em ê di çarçoveya mafê xwe yê rewa de parastina xwe bikin. Bi tu şêwazî em ê êrîşî tu kesî nekin, lê belê li beramber her cûre êrîşên li ser gel û hêzên me pêk werin, her tim em ê xwe biparêzin û bê çare nemînin.
Di dawiyê de wek yekîneyên Parastina Rojhilatê Kurdistanê di serî de em ji malbata hevreyê xwe yê hêja re û ji tevahî gelê Rojhilatê Kurdistanê re sersaxiyê dixwazin û careke din em soza tolhildanê didin gelê xwe ku em ê bi ti rengî xwîna hevalê xwe li erdê nehêlin.”
