Çarşema borî, herêmê bi lerzîna erdê ya bi pileya 8.8’an re rû bi rû ma, piştî vê bûyerê volkana Kracheninnikov teqiya.
Tê ragihandin ku ewra tozê ya ji volkanê ku nêzî 1800 bilind e, heta 6000 metreyan bilind bûye.
Li gorî Wezareta Rewşên Awarte ya Rûsyayê, ewra tozê ber bi Okyanûsa Pasîfîkê ve diçe û niha ji bo cihên niştecihbûnê an jî komê tûrîstan ne di xeterê de ye.
Li gorî Bernameya Volkanîzma Gerdûnî ya Enstîtuya Smithsonianê, teqîna dawî ya Kracheninnikov a ku di dîrokê de hatiye qeydkirin, vedigere sala 1550’î. Rayedaran ragihandin ku niha di quntara volkanê de şikestineke çêbûye, qubeya lavê peyda bûye û derketina gazê ya zêde tê dîtin.
Kamtchatka, ji ber ku li ser hevberdana lewheyên tektonîk ên Pasîfîkê û Amerîkaya Bakur e, wek yek ji herêmên herî çalak ên sîsmîk ên cîhanê tê zanîn.
Di herêmê de nêzî 30 volkanên çalak hene. Çarşema borî, volkana Klioutchevskoy a bi bilindahiya 4750 metreyan e jî çalak bûbû.
Herêm roja şemiyê ji 65 heb zêdetir lerzînên erdê dît; ji van 10 li paytexta herêmê Petropavlovsk-Kamçatskî hatin hîskirin.
