Platforma Yekîtiya Jinên Kurd a Neteweyî (PYNJK ) têkildarî Fermana 3’yê Tebaxa 2014’an li Baxê Giştî ya Silêmaniyê daxyaniyek da çapemeniyê. Di daxuyaniyê de bang li civaka navneteweyî hat kirin ku edaletê pêk bîne. Di daxuyaniyê de PYNJK’ê got ku divê Komkujiya li Şengalê di asta navneteweyî de wekî ‘qirkirin’ bê naskirin.”
Daxuyanî ji aliye Endamê PYNJK’ê Saza Ebdullah ve hat xwendin. Saza Ebdullah diyar kir ku 3’yê Tebaxa 2014’an sûcê herî mezin yê qirkirinê li ser civaka Êzidî li Şengalê hatiye kirin û wiha got: “Hikûmeta Iraqê, Parlementoya Iraqê, Dadgeha Sûcan a Navneteweyî, Hikûmeta Herêma Kurdistanê, sazî û dezgehên serbixwe yên mafê jinan û mirovan diparêzin berî 11 salan Fermana 74’an ya qirkirinê li ser civaka Êzidî hate kirin ku 10 hezar jin û zarok jî din av de hatin qirkirin. Zêdetirî 3 hezar jin ji aliyê DAÎŞ’ê ve hatin revandin û destdirêjî wan hatinkirin û li bazaran hatin firotin.”
Saza Ebdullah bertek nîşanî hikûmeta Herêma Kurdistan û Iraqê kir û got: “Heta niha ji bo civaka Êzidî ji qirkirinê xilas bibe, ne hikûmeta herêmê û ne jî Iraqê gavên cidî neavêtiye û heman demê ji bo avakirina Şengalê û aramiyê nebûne xwedî helwest.”
Platformê daxwazên xwe wiha rêz kir:
* Divê Dadgeha Ceza ya Navneteweyî dest bi lêkolîna sûcên hatine kirin bike.
* Divê ji jinên ku ji aliyê DAÎŞ’ê ve hatine revandin re bi lezgînî alîkarî bê kirin.
* Divê beşdariya rasterast a jinan di rêveberiya Şengalê de bê parastin.
* Divê ji bo vegerandina koçberên Şengalê li ser axa wan, piştgiriya pêwîst bê dayîn.
