Wezareta Tenduristiyê ya Kuwêtê daxuyaniyek da û di daxuyaniya xwe de da zanîn ku 13 welatiyan ji ber vexwarina eraqa sexte jiyana xwe ji dest dane.
Di daxuyaniye de ev yek hatin gotin: ‘’Nexweşxaneyan ji Şemiya borî heya niha 63 bûyerên jehrîbûnê yên ji ber vexwarina eraqa sexte, tedawî kirine.’’
Li gorî çapemeniya dewletê, hikûmeta Kuwêtê di sala 1964’an de hawirdeya eraqê qedexe kiriye û di salên 1980’yan de vexwarina alkolê weke sûc hate qebûlkirin.
Ev bûyerên jehrînûna ji ber alkolê ku gelekî kêm tên dîtin, bes di nava civaka penaberên ji Asyayê de hatiye dîtin, 21 kes kor bûne û zirar daye çavên gelek kesan.
Li gorî wezaretê ji bo 51 nexweşan diyalîza lezgîn hewce kir û ew neçar man ku 31 nexweşna jî bi cîhaza hilmijê werin tedawîkirin.
Beşeke mezin a nifîsa Kuwêtê, ji karkerên penaber ên ji Asyaya Başûr yên di sektorên weke înşaet, kar û barên xaniyan û bazirganiya perakendeyê de dixebirtin, pêk tê.
