Girtiya siyasî ya Kurd Werîşe Mûradî ku ji aliyê dewleta Îranê ve cezayê darvekirinê lê hatiye birîn, bi wesîleya salvegera qetilkirina Jîna Emînî û salegera şoreşa ‘Jin, Jiyan, Azadî’ peyamek weşand.
Di peyama Werîşe Mûradî de hate gotin, “Ev şoreş ne tenê teqîneke hêrsa kolanane, lê belê îfadeya daxwazên kûr ên ji bo azadî, dadperwerî û avakirina têkiliyên civakî ye. Nabe mirov vê rojê tenê wek bîranînekê bigre des, divê bibe manîfestoya jiyanek azad.”
Di beşek din a nameya xwe de Werîşe Muradî işaret bi rola jinan a di vê şoreşê de jî kir û got: “Dirûşma ‘Jin, Jiyan, Azadî’ mijara jinê wek hêmana sereke ya şoreşê destnîşan kiriye. Ispat kiriye ku bêy nûnertiya jinan, tu şoreşek derfeta wê ya guhertina demokratîk a di civakê de nepêkane. Her wiha zext û cezayên darvekirinê ku hikûmeta Îranê li girtiyên jin ên siyasî dibire, tolhildaneke sîstematîk a vê şoreşê ye.”
