Platforma Saziyên Demokratîk ên Amedê li eywana dawetê ya Sezîkê ya navçeya Farqînê ya Amedê civîna “Aştî û Civaka Demokratîk” li dar xistin. Civîna ku li saloneke dawetê hat lidarxistin de posterê mezin ê Rêber Apo û pankarta “Ji Farqînê her silav ji Rêber Apo re” hatin daliqandin.
Nûnerên rêxistinên siyasî, civaka sivîl û gelek kes beşdarî civîna gel bûn. Çetîn Arkaş, çalakvana TJA’yê Ayla Akat Ata û parêzera Buroya Hiqûqê ya Asrinê Raziye Ozturk di civînê de axivîn.
Civîn bi rêzgirtina ji bo Şehîdên Azadiya Kurdistanê destpê kir. Di civînê de dirûşmeyên “Bijî serok Apo” û Bê Serok jiyan nabe” hatin berzkirin. Raziye Ozturk bi bîr xist ku PKK’ê xwe fesix kiriye û anî ziman ku pêwîstî bi qanûnên derbaskirinê heye. Raziye Ozturk dstnîşan kir ku divê ev pêvajo tenê bi destê meclisê neyê meşandin, divê bi hemû beşên civakê yên ku ji vê krîzê bandor bûne re bê meşandin.
Raziye Ozturk diyar kir ku “mafê hêviyê” hem mafekî qanûnî ye û hem jî mafekî polîtîk e û anî ziman ku şertên Rêber Apo li Îmraliyê girtin nahûle ku pêvajo bi tenduristî bimeşe.
Ayla Akat Ata jî diyar kir ku gavavêtina dewletê bi rêxistinî û daxwazên wê pêk were û bal kişand ser berpirsyariya jinan a di vê pêvajoyê de. Ayla Akat Ata pêşengiya Rêber Apo ji bo têkoşîna jinan diyarker e û got, “Ger em naxwazin ev pêvajo xira bibe, divê em rêya rast bibînin.”
‘AŞTÎ BI RÊZGIRTINA JI HEV RE MIMKÛN E’
Çetîn Arkaş jî di axaftina xwe de bal kişand ser êşên ku gelê Kurd û Tirk kişandine û diyar kir ku têkoşîn ti carî ne lidîj gelan e. Arkaş anî ziman ku aştî bi rêzgirtina ji hev re mimkûn e û got, “Li Tirkiyeyê nêzîkatiyên nijadperest li hember Kurdan çêbûn, lê li Kurdistanê min tu carî nedîtiye ku kesek ji ber ku bi Tirkî diaxive rastî nijadperestiyê hatibe. Gelan bi hev re tu pirsgirêk ne jiyaye. Dema ku me ev têkoşîn dest pê kir, ew ne li ser bingeha hestên dijî-Tirk bûyînê bû. Em li dijî hişmendiyê derketin ku Kurdan paşguh dike. Hebûna wan înkar dike û bi polîtîkayên asîmîlasyonê wan ji holê dide rakirin. Lê wan Kurdên ku hebûna wan înkar hatiye înkarkirin, zilm û zorê li wan tê kirin. Ez amade me ku kulîlkan deynim ser gorên leşker û polîsan, gelo hûn jî amade ne ku kulîlkên aştiyê deynin ser gorên gerîlayan?”
Çetîn Arkaş bal kişand ser nêzîkatiyên dijberî pêvajoyê û yên ku daxwaza azadiya Rêber Apo wekî jehrîkirina pêvajoyê nîşan didin rexne kir û got, “Ev gel wê Rêberê ku wan afirand di girtîgehê de nehêle û bêguman ew ê azadiya wî bixwazin. Ev daxwaz çima wekî jehrîkirina pêvajoyê tê nîşandan. Nêzîkatiyên wiha baweriya bi pêvajoyê re têk dibin. Ger em behsa atmosferek aştiyê bikin, divê guhertinek di zîhniyetê de were kirin.”
Piştî axaftinan civîn bi pirs û bersivan ji çapemeniyê re girtî berdewam kir. Civîn bi pirs û nirxandinên beşdaran bi dawî bû.
