– Bûyerên piştî Banga Aştî û Civaka Demokratîk a Rêber Apo wê bêne şopandin.
– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Fermandara YJA Starê Batufa Çekdar di derbarê Komploya Navnetewî ya 15’ê Sibatê de axivî û got: “Komploya 15’ê Sibatê şerekî dewletên emperyalist bû ku li dijî Rêber Apo dabûn destpêkirin. Lê belê bi têkoşîna Rêber Apo û gelê Kurd, ev komplo hate pûçkirin.”
– Hevserokê Giştî yê OHD’ê Parêzer Serhat Çakmak, tabloya ku rapora derbarê protestoyên Rojavayê de nîşan dide nirxand û diyar kir ku ev pêvajo ji bo dewletê veguheriye ezmûna samîmiyetê.
– Siyasetmedarên Kurd Zubeyir Aydar, Ahmet Karamus û Şîlan Emînoglû beriya meşa ku wê di 14’ê Sibatê de li Strasboûrgê ji bo protestokirina komploya li dijî Rêber Apo bê lidarxistin de axivîn û banga, “Divê hemû Kurdistaniyên li Ewropayê beşdar bibin” kirin.
Gerîlaya azadiya Kurdistanê Roza Şoreş Dersîm derbarê komploya navnetewî ya li dijî Rêber Apo de axivî û got: “Heta ku Rêbertiya me bi fîzîkî azad bibe, em ê têkoşîna xwe bidomînin.”
Serokê Şaxê ÎHD’ê ya Amedê Ercan Yilmaz, bertek nîşanî binçavkirinên di çalakiyên “çêkirina keziyên por” de da û diyar kir ku protesto aştîyane ne û cezakirina wan li dijî azadiya îfadeyê ye.
– Li hemberî êrîşên li ser Rojava û ambargoya li ser Kobanê, aktîvîstên ekolojiyê yên ji welatên cuda yên cîhanê piştgirî dan banga piştgiriya bi Rojava re ya Tevgera Ekolojiyê ya Mezopotamyayê û TEV-EKO’yê.
