Nûnerê Komîseriya Kar û Barên Penaberan li Sûriyeyê (UNHCR) Gonzalo Vargas Llosa ragihand ku di çarçoveya hewldanên berdewam ên vegerandina penaberan li welatên wan de, UNHCR duh piştgirî da vegera 191 welatiyên Iraqî ji kampa Holê bo Iraqê.
LIosa diyar kir ku tîmên UNHCRˊê ji bo hêsankirina vê pêvajoyê heta bi gihandina karwan ber bi sînorê ve amade bûn û desthilatên Iraqê welatiyên xwe birin.
LIosa destnîşan kir ku bi vê vegerandin, vegerandina gelek malbatên Sûriyeyê bi piştevaniya UNHCRˊê û şirîkên wê wê kampa Holê di “aliyê pratîkî” de vala bibe.
Di van demên dawîn de ajansa me bi raporan bal kişand ser nakokiyên ewlehiyê û reva malbatên çeteyên DAIŞˊê ji kampa Holê, piştî komên hikumeta demkî ya Sûriyeyê kamp kontrol kir. Hikumetê bi sedan malbatên li kampê birin gundewarê Helebê û Idlibê.
Di kampa Holê de beşek ji malbatên çeteyên DAIŞˊê heye, ku ji ber aliyên xwe yên aloz ên mirovî û ewlehiyê bala navneteweyî kişandiye ser xwe. Bi lezbûna hewlên vegerandinê yên vê dawiyê, niha balê dikişîne ser pêşeroja kampê û gengaziya girtina wê ya bi tevahî yan veguherîna wê ji bo avahiniyeke rêxistinî ya nû ku li gorî guhertinên heyî be.
