Bi boneya Roja Zimanê Dayikê ya Cîhanî, Navenda Çand û Perwerdehê ya Beyan li bajarê Bokan ê Rojhilatê Kurdistanê bi beşdariya nivîskar, helbestvan û lêkolînerên di warê ziman û wêjeya Kurdî de merasîmek bi heybet li darxist.
Di merasîmê de hejmarek panelên zanistî û wêjeyî li ser girîngiya ziman û perwerdehiya bi zimanê dayikê hatin pêşkêşkirin û çend helbestên Kurdî hatin xwendin.
Heman demê de , koma muzîkê ya ciwanan a bi serkêşiya Mesûd Yara sirûda ‘Zimanê Kurdî yê Şîrîn û Xweşik’ pêşkêş kir. Her wiha Mamosta Fuad Yara û Reşîd Heyderî bi paçe musîkayekê dilsoz beşdar bûn.
Di hema çarçoveyê de, Encûmena Çandî, Hunerî û Wêjeyî ya Bokanê bi boneya Roja Zimanê Dayikê bi beşdariya nivîskar, helbestvan û pisporên ziman û wêjeya Kurdî yên Kurd li Hola Mesture ya Kurdistanê duh merasîmek li dar xist.
Hadî Xudayî, Qadir Azmend, Sergul Rehîmî û Dr. Mistefa Îlxanzade têkildarî giringiya ziman û rola mamostayên Zimanê Kurdî, axivîn.
Di dawiya merasîmê de, ji bo rêzgirtina li temenek tejî xizmet Dr. Mistefa Îlxanîzade û hejmarek mamosteyên zimanê Kurdî hatin xelatkirin.
