Li Wargeha Penberan a Şehîd Rustem Cûdî (Mexmûr) Meclîsa Îştar bi daxuyaniyekê piştgirî da pêngava ku ji bo pejîrandina statuya YPJ’ê hatiye destpê kirin.
Daxuyanî bi amadebûna xelkê wargehê ya li ber Saziya Malbatên Şehîdan a Mexmûrê bi deqeyek rêzgirtin hat destpê kirin. Piştî rêzgirtinê Endama Tevgera Jinên Ciwan Axîn Nerexî daxuyanî xwend.
Daxuyanî wiha ye:
“Di sedsala 21’an de hêzên kapîtalîst êrîşên xwe li ser jin, civak û xwezayê zêdetir kiriye. Di van şeran de yên ku herî zêde bandor dibin jin û ciwanin. Li hember zîhniyeta zilamsalar ya 30 hezar salan têkoşina jinan wek îro her berdewam kiriye. Li hember hemû êrişên pergala kapîtalîst ku jin tine dihesibîne, bê îrade dike û dike keybanuya metayan, jin xwedî hebûna xwe derdikeve û li hember êrişan berxwe dide. Ji dîrokê heya roja me ya îro jin her roj bi kuştin, tecawiz û tundiyê re rû bi rû maye. Li hember van êrîşan yên ku jin biparêze jin bi xwe ye. Bi saya fikir û felsefeya Rêber Apo jin ketin ferqa hêza xwe û li hember hemû êrişên derve hêzên xweparastinê ava kirin. Di manifestoya aşitî û civaka demokratîk de ku Rêber Apo bal dikşîne ser Netewa Demokratik alternatifa pergala kapîtalîste. Ji bo rêxistin kirina netewa demokratîk pêwîstî bi xwe parastinê heye. Ji bo ku mirov hebûna xwe bidomîne xwe parastin xala esasiye.
Bi şoreşa Rojavayê Kurdistanê ku bi pêşengtiya jin pêşket bû îlhama tevahî jinên cîhanî. Yên ku jin li hember hemû êrîşên hundir û derve parastî YPJ (Yekîneyên Parastina Jin) bû. Di 2014’an di êrişên DAIŞ’ê de li eniya pêş ya şer berxweda, tirs û xof xist dilê çeteyên DAIŞ’ê. Bi pêşengtiya Arîn Mîrkan, Silava, Bêrîvan, Rêwan, Lêgerîn û Barînan de berxwedanek mezin pêşket. Di 5-6 Çileyê de ji aliyê çeteyên HTŞ li ser Rojavayê Kurdistanê êrişek berfireh destpê kir. Di van êrîşan de ji aliyê çeteyên ku ti eleqeya wan bi mirovahiyê nîne cenazeyê Şehîd Denîz Çiya ji bînahiyan avêtin, porê şervanek YPJ qut kirin û bi sedan mirovan qetil kirin.
Beriya niha ji bo girîngiya xwe rêxistin kirin û xweparastina jinan ji aliyê KJK’ê ve hemleya bi navê niha dema Jina ye hat destpêkirin. Di vê çarçovê de xebat hatin meşandin. Bi êrişên li ser YPJ’ê de ji hat dîtin ku pewîste em wek jin ji bo ku hebûna xwe bi parêzin pêwîstî bi hêza xweparastinê heye. Di van êrişên HTŞ’ê de jî hat dîtin ku ti ferqa HTŞ û DAIŞ’ê ji hev tine ye. Niha li Rojavayê Kurdistanê ti garantiya hebûna jinan û civakê li hember hikumeta demkî ya Şamê nîne. Serdema ku behsa modern bûnê tê kirin di hemû beşên civakê de jin têde cih digre, hikumeta demkî ya Şamê bi derxistina hinek qanunan hebûna jin tine dihesibîne. Lewma ji bo pejirandina statuya YPJ’ê divê ti astengî ji aliyê hikumeta demkî ya Şamê ve neyê derxistin û divê statuya YPJ’ê bê pejirandin. Li ser vê esasê di 27’ê Nîsanê de ji aliyê platforma hevpar ya jinan kampanya hat destpêkirin. KJK xwedî vê kampanyê derket û banga tevahî jinan kir.
Em jî wek Meclîsa Îştar li banga KJK’ê xwedî derdikevin û ji bo pejirandina statuya YPJ’ê piştgiriya xwe diyar dikin. YPJ hebûna jinane, YPJ hêviya jiyanê ye. Heya ku statuya YPJ were pejirandin emê di nava çalakiyan de bin.”
Daxuyanî bi dirûşemyên ‘Bijî Serok Apo’, ‘Bijî Berxwedan YPJ’ê’ û ‘Jin Jiyan Azadî’ bi dawî bû.
