Derbarê nûçegihana Îlke TV Zîlan Azad ji ber roportaja bi sernavê “Mêrên bi bedle satrancên xwe dilîzin, jin jî hewl didin bijîn” lêpirsîn hate destpêkirin.
Rojnamevan ji Înîsiyatîfa Jinan a Pêwîstiya Min Bi Aştiyê Heye bi Selîn Top re roportaj kir. Di roportajê de lêpirsîna têkildarî windakirina Gulistan Doku, gotinên jinan ên li Dersimê, “çeteyên sûc ên mêran” û îdîayên ku demek dirêje tên nîqaşkirin, cih digirt.
Şêwirmendê Parlamenterê Yenî Partiyê Cemal Engînyurt, Cem Tekînoglu ji ber îdîayên derbarê wî yên di roportajê de bi îdîayên “heqaret”, “îftîra” û “êrîşkirina mafên kesayetî” gilî li nûçegihana Îlke TV Zîlan Azad û Selîn Top kir.
Zîlan Azad û Selîn Top îro di çarçoveya lêpirsînê de wê îfade bidin.
DÎSK Basin-Îş a girêdayî DÎSK’ê, têkildarî mijarê daxuyanî da û got, “Em bi hempîşeya xwe Zîlan Azad re di nava piştevaniyê de ne. Rojnamevanî ne sûc e. Nûçeyên ji bo sûdê civakê tên çêkirin, bi gefên darazî û zextan nayên bêdengkirin.”
