Fermandariya hêzên Dewletên Yekbûyî yên Emerîka (DYE) ya li Okinawayê, piştî bûyerê ji bo 48 saetan alkolstandina leşkeran qedexe kir. Her wiha hate diyarkirin ku wê 30 rojan derketina leşkeran a derve were qedexekirin.
Polîsên Japonyayê dabû zanîn ku wan roja Yekşemê têkildarî kuştina jineke 39 salî ya li bajarê Naha yê Okinawayê leşkerekî DYE’yê binçav kiriye. Li gorî çapemeniya herêmî jina berbehs hatiye xeniqandin lê belê leşkerê gumanbar van sûcdarkirinan qebûl nake.
Li Japonyayê nêzîkî 54 hezar leşkerên DYE’yê hene. Piraniya van li Okinawayê hatine bicihkirin. Sûcên ku leşkerên DYE’yê tevlî bûne, ev demeke dirêje di navbera Japonya û DYE’yê de dibin sedema rageşiyan.
Waliyê Okinawayê Genta Koja diyar kir ku bûyer di nava gel de bûye sedema derketina fikareke mezin û anî ziman ku perwerdeya leşkerên DYE’yê ya têkildarî dîsîplîn û mafên mirovan kêm e.
Li Okinawayê beriya niha jî bûyerên ku leşkerên DYE’yê tevlî bûbûn, bûbûn sedema derketina nîqaşan. Hêjayî bibîrxistinê ye ku salên borî gelek caran ji ber kuştin û destdirêjiyê ceza li leşkerên DYE’yê hatine birîn.
