Parêzer Anna Magdalena Busl ku li bajarê Bonn ê Elmanyayê di qada koçberî û penaberiyê de dixebite, destnîşan kir ku Peymana Penaberî û Koçberî ya nû ya Yekîtiya Ewropayê, xeteriyên cidî li ser mafên bingehîn ên penaberan çêbike.
Anna Magdalena Busl ku di qada hiqûqa ceza û koçberiyê de parêzereke pispor e, di heman demê de li Elmanyayê di nava hiqûqnasên pispor ên qada hiqûqa koçberiyê de cih digre. Anna Busl ku li zanîngehên Regensburg û Bonnê de perwerdehiyia felsefe û dîrokê girt, ji sala 2020’an ve wekî pispora hiqûqa koçberiyê (Fachanwaltin fur Migrationsrecht) dixebite. Anna Busl di heman demê de wekî endama Koma Xebata Hiqûqa Koçberiyê ya Yekîtiya Baroyan a Elman û Yekîtiya Parêzerên Komarparêz (Republikanischer Anwaltsverein) xebatê dimeşîne.
Hiqûqnas Anna Busl, pirsên ajansa me yên derbarê pergala nû ya penaberiyê ya YE’yê bersivand û diyar kir ku pergala navborî dibe ku pêkanînên binçavkirin û desteserkirinê zêde bibe.
‘WÊ LÊGERÎNA MAFAN ZEHMET BIBE’
Anna Busl diyar kir ku wê bi sererastkirinên nû re prosedurên hatine lezkirin wê zêde bibin û anî ziman ku wê ev yek mîsogeriyên hiqûqî lewaz bike. Anna Busl got, “Bi rêya prosedurên hatine lezkirin re, nava kontrolkirinên darazê tê valakirin û lêgerîna penaberan a mafê xwe bi awayekî cidî zehmet dibe.
Anna Busl destnîşan kir ku di heman demê de “Navendên Şûnde Şandinê” ya ku di çarçoveya Rêvebbirina Şûnde Şandinê ku hîna neketiya meriyetê, xwedî xeteriyên cidî ne. Anna Busl diyar kir bi vê pêkanînê re dibe ku prosedurên penaberiyê dewrî welatên sêyemîn bên kirin û anî ziman ku ev yek dibe ku di mafê parastinê ya navneteweyî de pirsgirêkên nû çêbike.
JI BO PENABERÊN SIYASÎ YÊN JI TIRKIYEYÊ XETERIYEKE MEZIN E
Hiqûqnas Anna Busl pirsa derbarê penaberên siyasî yên ji Tirkiyeyê hatine bersivand û destnîşan kir ku bi prosedurên bi lez re xeterî heye ku sedemên penaberiyê yên takekesî zêde neyê berçav girtin.
‘BIDESTXSITINA PARASTINÊ WÊ ZEHMETIR BE’
Anna Busl bal kişand ser bandorên şênber ên sererastkirinên nû yên li ser penaberên ku ji Tirkiyeyê hatine Elmanyayê û anî ziman ku bidestxistina parastinê wê zehmetir bibe.
