Li Dersimê pêvajoya nû, berovajî propagandaya reş a şerê taybet ên Tirk an jî hêzên paramîlîter ên ku bi taybetî li Dersimê derketine holê, bi rastî jî bi eleqeyek û piştgiriyek mezin tê pêşwazîkirin.
Gelê Dersimê yên ku em bi wan re axivîn, diyar kirin tevî fikarên ji dewletê hene jî baweriya wan bi Tevgera Azadiya Kurd û tiştên ku dikin tê. Gelê Dersimê bi israr baweriya xwe ya bi Tevgera Azadiya Kurd anîn ziman û fikar û hêviyên xwe yên ji rêveberên siyasî yên Kurd ên xwecihî bi eşkereyî anîn ziman.
Dersim warê ku herî zêde dewleta Tirk bi taybetî pê eleqedar dibe û warê herî qelebalix ê ku civaka Elewiyên Kurd lê dijîn e. Gelê Dersimê diyar dikin ku eger îro ew dikarin baweriya xwe azad pêk binın ev yek bi saya têkoşîna 50 salan a Tevgera Azadiya Kurd û gerîlayan e.
BAWERIYA XWE BI TEVGERA AZADIYA KURD TÎNIN
Welatiyê bi navê Elî yê ku tevahiya jiyana xwe li Hozatê derbas kiriye, diyar kir ku banga Rêber Apo ya 27’ê Sibatê destpêkê wî matmayî hişt û tişta yekem a ku hat bîra wî ev bû: “Niha wê çi bi serê me were?” Elî destnîşan kir ku yekem tişta ku hat bîra wî komkujiyên bi danîna çekan a di sala 1938’an re hatin destpêkirin û heta îro didomin, bû.
Elî anî ziman ku bi daxuyaniyên PKK’ê re wan pêvajo çêtir fam kir û dazanîn ku Medya TV li gelek malên Dersimê û bi taybetî li navçeyên wekî Hozat û Ovacikê vekirî ne û gelek kes li ser hesabên medyaya dîjîtal pêvajo û daxuyanî şopandin.
Her wiha Elî bi bîr xist ku gel beşdarî civînên DEM Partiyê dibin û lê pêvajoyê têr û tije nayê ravekirin. Elî îdia kir ku ji ber vê yekê hîn jî serê hin kesan tevlihev e.
Bi rastî, li seranserê Dersimê tevlihevî berdewam dike. Gundên ku me serdana wan kir û em bi wan re axivîn, derbarê pêvajoyê û çawa Tevgera Azadiya Kurd gihîşt biryarek wisa de pirsên wan hene. Hejmareke girîng hewl didin ku bi derfetên xwe van pirsan bibersivînin.
PROPAGANDAYA REŞ A LI SER ŞEHADETAN VALA DERKET
Piştî Kongreya 12’an a PKK’ê şehadeta Alî Haydar Kaytan û Riza Altun ên ku ji Dersimê ne ragihandin, propagandaya reş a şerê taybet a Tirk, hêzên paramilîter, nivîskarên PDK’ê û kesên ji nav PKK’ê reviyan e yên wekî “Elewiyên Kurd di nava PKK’ê de tên tasfiyekirin” û “Alî Haydar Kaytan hat înfazkirin” bandor li ser gelê Dersimê nekir.
Gel, li Dersima ku kadroyên pêşeng ên Tevgera Azadiya Kurd lê derketine tînin ziman ku Tevgera Azadiya Kurd ji ber sedemekê van şehadetan dereng ragihandin û gelek caran anîn ziman ku baweriya wan timî bi têkoşîna şoreşgerî re heye.
Hewldanên hin koman ji bo afirandina dijminatiya di navbera PKK û Elewiyan de bandorê li ser gel nakin. Gel jî hebûna Tevgera Azadiya Kurd ji bo xwe wekî şans û misogeriyekê dibîne.
BANDORA BESÊ HOZAT
Dîmenê şewitandina çekan a PKK’ê ku gava herî girîng a pêvajoya nû ya ji hêla Rêber Apo ve wekî “Pêvajoya Aştî û Civaka Demokratîk” tê pênasekirin, li cîhanê deng veda û dibe ku li Kurdistanê bandora herî mezin li Dersimê kir.
Civaka Elewiyên Kurd ên ku di tevahiya dîroka xwe de bi zilm û komkujiyên dewletê re rû bi rû maye û gerîla wekî misogeriya jiyana xwe dibîne, her çiqasî şewitandina çekan ji aliyekî ve bi xemgînî pêşwazîkirin jî, rastiya ku Besê Hozat a ji Dersimê pêşengiya yekîneya gerîla kir û helwesta wê ya di merasîmê de bandorek mezin li ser gel çêkir.
Gelê Hozatê bi taybetî tînin ziman ku gava mezin a di bin pêşengiya Besê Hozat de ji bo aştiyê hatî avêtin gelekî girîng û watedar e. Gel di baweriya wê de ye ku hilbijartina Besê Hozat ji bo Tevgera Azadiya Kurd serketineke mezin e.
Kesên ku em bi wan re axivîn diyar kirin ku şewitandina çekan, ku ji aliyê jineke ji Dersimê ya Elewiyê Kurd ve hatiye birêvebirin, bêyî ku heman şaşiyên berê were kirin û çekên xwe radest bikin şewitandin. Ev yek ji bo civaka Kurd serhildanek li dijî zilma ku dewletê di şexsê Dersimê de li ser Elewiyên Kurd de heta niha hatiye meşandin e. Gotin ku ev yek ne wekî teslîmbûnê, wekî serkeftinê were dîtin.
WÊ BIDOME
