Pêşengên tevgera şoreşgerî yên Tirkiyeyê Denîz Gezmîş, Huseyîn Înan û Yusuf Aslan di salvegera 54’an a qetilkirina xwe de li gelek bajaran hatin bîranîn.
Li Mersînê, bi pêşengiya Komeleya 68’an a Mersînê bîranîn hat lidarxistin. Girseya ku li Parka Ozgur Çocukê kom bû û deqeyek rêz girt. Di daxuyaniyê de bal kişandi ser krîza aborî, bêkarî û tepeserkirina mafên demokratîk û wiha hat gotin: “Têkoşîna li ser bingeha serxwebûna tam û wekheviyê berdewam dike.”
Li Dersimê li ser banga EMEP’ê ya Dersimê meş û daxuyaniya çapemeniyê hat lidarxistin. Parlamentera Dersimê ya DEM Partiyê Ayten Kordu jî beşdarî bîranînê bû. Aytem Kordu diyar kir ku mîrateya “Sê Şitilan” têkoşîna gelan ronî dike. Ayten Kordu anî ziman ku Sê Şitilan yekîtiya gelên Tirkiye û Kurdistanê qêriyan û got, “Sê Şitil bûn şoreşgerên ku rêya me ronî kirin. Li Tirkiyeyê li dijî xizanbûna karkeran têkoşînek cidî hat dayîn. Denîz, Mahîr, Îbrahîm û Sakîne bûn îlhama vê yekê. Ev kevneşopî têkoşîna hemû gelên li Tirkiyeyê ronî kir. Têkoşîna wan hîn bi dawî nebûye.”
Li Dîlokê jî ji hêla Platforma Ked û Demokrasiyê ve li Meydana Balikliyê daxuyanî hat dayîn. Di daxuyaniyê li ser dijberiya li dijî emperyalîzm û polîtîkayên şer hat rawestandin. Di daxuyaniyê de bal kişand ser krîza aborî, binpêkirinên mafên mirovan û girtina Serokê Giştî yê BÎRTEK-SEN Mehmet Turkmen, rojnamevan Îsmaîl Arî û Alîcan Uludag û NATO û baregehên leşkerî hatin rexnekirin.
Di bîranînan de bal kişand ser “Domandina têkoşîna serxwebûn, demokrasî û sosyalîzmê”.
