Li kampa Holê û derdora wê operasyona ewlehiyê ku Hêzên Ewlekariya Hundirîn, Hêzên Ewlekariya Hundirîn-Jin bi piştevaniya YPJ û QSD’ê li dijî şaneyên çeteyên DAÎŞ’ê daye destpêkirin, di roja 4’an de didome.
Di operasyona ewlehiyê de çete Îbrahîm Ebid Ebdullah ê ku di nava DAÎŞ’ê de bi navê Ebû El Ezra tê naskirin û gelek çeteyên din hatine girtin.
Di çarçoveya operasyona ewlehiyê de ku ji 18’ê Nîsanê ve li kampa Holê didome, hêzên operasyonê piştî ku nasnameya wî, tevger û çalakiyên wî li kampê tesbît kirin, çete Îbrahîm Ebdullah girt.
Li gorî agahiyên ku çavkaniyên Hêzên Ewlekariya Hundirîn dane lêpirsîna bi çete Îbrahîm El Ebdullah re didome.
