Trudeau di daxuyaniyê de wiha got: “Kanada sozên nû dide. Em ê ji bo pirsgirêka fentanilê Çarekî tayîn bikin û kartelên Meksîkayê li lîsteya rêxistinên terorî zêde bikin.”
Trudeau diyar kir ku nêzî 10,000 karmend ji parastina sînorên me li qadê ne.
Serokê DYE’yê Donald Trump li ser Truthê daxuyanî da û got: “Kanadayê dawiya dawî misogerkirina ewlehiya sînorê me yê bakur û dawîlêanîna ketina tiryaraka bixeter a fentanilê ya li welatê me qebûl kir.” Trump diyar kir ku ew ji vê geşedanê gelek razî ye.
Li gor daneyên fermî yên xizmetên sînorên DYE’yê, kêmtirî ji sedî 1’ê fentanîlîna li DYE’yê hatiye bidestxistin ji Kanadayê hatiye.
Her çiqas hejmara koçberên ku ji sînorê bakur derbasî DYE’yê bûne zêde bibe jî, di sala 2023’an de ev hejmar ji sedî 6’ê wê pêk dihat.
Kanada di wê baweriyê de ye ku bacên gumrikê wê zirarê bidin hêza rikeberiyê ya DYE’yê û xwedî wan rîskan e ku ji bo hemû kesan biha zêde bibin û îstîhdamê bixe talûkeyê.
