Endama Meclîsa Malbatên Şehîdan ya bajarê Kobanê Eyşe Efendî têkildarî pêvajoya Aştî û Civaka Demokratîk ji ANF’ê re axivî. Eyşe Efendî anî ziman ku bi destwerdana Rêber Apo re Apo civakên li Rojhilata Navîn ji qirkirinê rizgar bûn.
Eyşe Efendî diyar kir ku bi banga Rêber Apo ya dîrokî re pêvajoyeke nû destpê kiriye û got, “Piştî demeke dirêj bi banga Rêber Apo re dîrokeke nû destpê kir. Piştî Lozanê ya ku 100 sal li pey xwe hişt, her kes çav li rêya Rêber Apo bû. Bi banga aştiyê ya ku bandora xwe li ser tevahiya cîhanê kir, bi fesixkirina PKK’ê re rewşa Rojhilata Navîn jî hat guhertin û vê yekê bandor li çar parçeyên Kurdistanê kir.
Eyşe Efendî ragihand ku Rêber Apo bi Manîfestoya Aştî û Civaka Demokratîk çavê mirovan vedike û ji qirkirinê rizgar dike.
Endama Meclîsa Malbatên Şehîdan a Kobanê diyar kir ku mînaka herî şênber a rizgariya gelan bi bangên Rêber Apo parastina xelkê Şengalê ji fermanê bû û ragihand ku gelek gavên bi vî rengî dîrokî bi bangên Rêber Ocalan li herêmê hatin avêtin.
Eyşe Efendî işaret bi pêvajoya aştî û civaka demokratîk kir û ragihand ku pêvajo divê bi rengekî qanûnî misoger bibe û bi taybetî bang li gelê Bakurê Kurdisatnê kir ku bi girseyî rabe ser piyan û xwedî li aştiyê derkeve.
