Cenazeyê gerîlayê HPG’ê Erol Kûrt (Baxtiyar Botan) piştî 11 salan radestî malbata wî hate kirin ku di sala 2016’an de li bejahiya Koyûlhîsar a Sêwasê di şer de şehîd bû.
Cenazeyê Kûrt li Goristana Yûkari Tekke ya Sêwasê hate veşartin. Piştî ku di sala 2022’an de hate ragihandin ku Kûrt şehîd bûye, malbatê ji bo wergirtina cenaze serî li Serdozgeriya Komarê ya Sêwasê da. Ji bo tespîtkirina cenaze malbatê mînaka DNA’yê da, lê piştî 4 salan bersiv jê re hate dayin.
Piştî ku encama DNA’yê eşkere bû, malbatê cenaze wergirt û anî Goristana Karşiyaka ya li navçeya Rêya Armûşê ya Wanê.
Endamên komeleya MEBYA-DER’ê jî di nav de gelek kes beşdarî merasîma cenaze bû. Cenazeyê Erol Kûrt piştî bicihanîna wecîbeyên olî bi dirûşma “Şehîd namirin” hate veşartin.
