Sekreterê Giştî Antonio Guterres daxuyanî da Komîteya Mafên Fîlîstîniyan a Neteweyên Yekbûyî û got, “Cewhera bikaranîna mafên mayinde yên gelê Fîlîstînê pêwendiya xwe bi mafê jiyanê heye ku bi rengekî mirovî li ser xaka xwe bijîn.”
Guterres ragihand ku bicihanîna van mafan her roj hîn bêhtir zehmet dibe û nêzîkatiya ku gel bi temamî ‘ji mirovahiyê derdixîne’ şermezar kir.
Sekreterê Giştî yê Neteweyên Yekbûyî got, “Ya rast ti tişt êrîşa metirsîdar a Hamasê ya 7’ê Cotmehê mafdar nîşan nade” û destnîşan kir ku ti tişt ‘kataloga hovîtiya bê nav û hilweşîner’ a mehên dawî ya li Xezeyê jî mafdar nîşan nade.
Li gorî Sekreterê Giştî yê Neteweyên Yekbûyî, bi agirbesta 19’ê Çileyê re kêm jî be bêhn hatiye ber Xezeyê û ‘di lêgerîna li çareseriyê de divê pirsgirêk hîn bêhtir neyê girankirin’.
Guterres got, “Gelekî girîng e ku dilsozî bi bingehên hiqûqî yên navneteweyî re bê nîşandan. Divê bi ti awayî paqijiya etnîkî neyê kirin.”
