Serokê Weqfa Aştiyê Hakan Tahmaz banga Rêber Apo nirxand û destnîşan kir ku Rêber Apo banga berdana çekan kir û got: “Divê ev yek weke firsendeke mezin bê nirxandin. Ev firsendeke mezin û bi nirx e. Ji bo Kurd xwe wekhev hîs bikin, divê gavên siyasî û hiqûqî bên avêtin. Berpirsyarî êdî li ser milê Enqereyê ye.”
Tahmaz ku bal kişand ser naveroka peyamê û wiha domand: “Ocalan paradîgmayeke nû pêşkêş dike. Divê zext û zordariya li dijî Kurdan di destûra bingehîn de bi dawî bibe. Divê tevna aştiya civakî bê avakirin. Banga çekberdanê hat kirin lê pirsgirêka hemwelatiyê didome.”
