Rêveberiya Atîna ji bo diyarkirina sînorên xwe yên li Rojhilatê Deryaya Spî, hevdîtinên bi Lîbyayê re zêde kir.
Serokwezîrê Yewnanistanê Kiryakos Miçotakis ragihand ku ji bo pêşxistina muzakereyên têkildarî sînorên herêma aborî, li hev kirine.
Rojhilatê Deryaya Spî ev demek dirêje bi sînorên xwe yên tevilhev û bi nîqaş bal dikêşe, di salên dawî de bermahiyên têkildarî rezervên gaza xwezayî ya dewlemend a di bin deryayê de, rageşî hîn zêdetir kir.
Tirkiyeyê sala 2019’an bi Hikûmeta Peymanê ya Neteweyî re peymaneke deryayê îmze kir û sînorekî nû xêz kiribû. Ev peymana ku bi hikûmeta navenda Trablus re hatî kirin, ji aliyê Yewnanistan, Yekîtiya Ewropa û Misirê ve bi hinceta li dijî hiqûqê ye hate redkirin.
Serokwezîrê Yewnanistanê Miçotakis diyar kir ku peymaneke muhtemel a bi Lîbyayê re, bi temamî li gorî hiqûqa navneteweyî ye û peymanên heman ên bi Îtalya û Misirê re hatine îmzekirin, mînak nîşan da.
Li aliyê din Noam Katz ev bang li Tirkiyeyê kir, “Li şûna nêzîkatiya hegemonya, bila bikeve nava lêgerîna hevkariyê.”
