Komeleya Rojnamevanan a Dîcle Firatê (DFG) û Komeleya Rojnamevanên Jin a Mezopotamyayê (MKG) ji bo rojnamevan Huseyîn Aykol li Amedê şîn danîn. Kesên ku tevlî şînê bûn, bîranîn û hestên xwe yên derbarê Aykol de li ser lênivîska bîranînê nivîsandin.
Hevrêyên Huseyîn Aykol ku şahidî ji jiyan û berxwedana wî kirin, ji ANF’ê re axivîn.
‘MAMOSTE HUSEYÎN PÊŞENGÊ ME BÛ’
Semra Turan bandora Huseyîn Aykol ya di qada rojnamevaniyê de wiha vegot: “Em xwe wekî strajyerên Mamoste Huseyîn dibînin. Ji ber ku me ewil bi perwerdeyên rojnamevaniyê yên Mamoste Huseyîn dest bi kar kir. Ji ber vê yekê wî hem wekî mamoste hem jî wekî pêşengê xwe dibînin. Min Mamoste Huseyîn di salên 2015-2016’an e dema ku min li Enqereyê strajyerî dikir, nas kir. Mamoste Huseyîn ji bo min rojnamevanekî ku bi fedakdarî ked dida û pêşengê me yê ku zanîna xwe bi hemû hevalên xwe re parve dikir bû. Mamoste Huseyîn siharê zû ji beriya her kesî diçû buroyê, çay dem dikir, rojevê dişopand û rojevê bi hevalan re nîqaş dikir. Mamoste Huseyîn rojnamevanekî ku zanînê tenê di xwe de kom nedikir, di heman demê de bi her kesê re parve dikir û rê û rêbazên ku bê ka rojnamevanî çawa were kirin pêşkêş dikir. “
‘GIRÊDANBÛNEK WÎ YA TAYBET BI GIRTIYAN RE HEBÛ’
Fethî Balaban destnîşan kir ku girêdanbûneke taybet ya Huseyîn Aykol bi girtiyan re hebû û wiha got: “Mamoste Huseyîn li pey xwe bi sedan rojnamevanên ku didin pey şopa wî, hişt. Bi sedan rojnamevan hene ku xwedî li têkoşîn û kevneşopiya wî derdikevin. Keda Mamoste Huseyîn li ser her rojnamevanan heye. Mamoste Huseyîn ji bo her kesî bû pêşeng. Me hemûyan fêrî rojnamevaniyê kir. Girêdanbûneke wî ya taybet bi girtiyan re hebû. Me binpêkirinên mafan ên li girtîgehan, ji wî fêr dibûn. Mamoste Huseyîn xwedî kesayetîyek dilnzm bû. Me mîrateya wî dewr girt.”
