Alîkarê Dîrektor ê Rojhilata Navîn a HRW’ê Adam Coocgle daxuyanî da û got, “Li herêma peravê û deverên cuda yên Sûriyeyê, sûcên li dijî Sûriyeyiyan ku piranî jê Elewî ne, tên raporkirin.”
Coogle bang li desthilatdariya HTŞ’ê kir ku ji bo parastina sivîlan û hesabpirsîna ji “sûcdaran” demildest bikeve nava liv û tevgerê.
Li gorî rapora Navenda Çavdêriya Mafên Mirovan a Sûriyeyê (SOHR) ji 1,093 sivîlên hatine qetilkirin, hema bêje bi temamî Elewî ne.
Rêxistina Şopandina Mafên Mirovan ev tişt destnîşan kir: “Hejmara sivîlên hatine kuştin yan jî ji cihên xwe hatine kirin nehate piştrastkirin, lê belê li gorî Facebook’ê hejmara kuştiyan qasî bi sedan kesan e.”
Roja Duşemê Wezareta Parastinê ya Şamê ragihand ku li peravên rojava operasyona leşkerî bi dawî bûye. Lê belê SOHR’ê roja Duşemê ragihand ku piranî li herêmên Tartus û Lazkiyeyê, 120 sivîlên din jî hatine qetilkirin.
HRW’ê got, “Komên mîna HTŞ’ê û hêzên nû yên ewlehiya Sûriyeyê Artêşa Neteweyî ya Sûriyeyê ya ku piştgiriya xwe ji Tirkiyeyê digire, jî di nav de divê hemû alî berpirsyar bên nîşandan.”
HRW’ê her wiha bang li rêveberên nû yên Sûriyeyê kir ku Komîsyona Lêkolînê ya Sûriyeyê ya NY’ê jî di nav de, bi çavdêrvanên serbixwe re hevkariyê bike.
